ابوالغیط:"عرب بیرلیگی عضو اولکه لرله امکداشلیق ائتمهیه حاضردیر"
عرب بیرلیگی عرب اؤلکهلری آراسیندا علاقهلرین کسیلمهسی ایله باش وئرن گرگینلیگین آرادان قالدیریلماسی اوچون عضو اؤلکهلرله امکداشلیق ائتمهیه حاضر اولدوغونو بیلدیردی.
عرب بیرلیگی عرب اؤلکهلری آراسیندا علاقهلرین کسیلمهسی ایله باش وئرن گرگینلیگین آرادان قالدیریلماسی اوچون عضو اؤلکهلرله امکداشلیق ائتمهیه حاضر اولدوغونو بیلدیردی.
بیرلیگین باش کاتیبی احمد ابوالغیط یاییملادیغی آچیقلامادا: بحرین، بیرلشمیش عرب امیرلیکلری، میصر و یمن-ین" ترورا دستک وئرمکده گوناهلاندیردیقلاری" قطر ایله دیپلوماتیک علاقهلرینی کسمهسینی و همین چرچیوهده باش وئرن پروسهسی یاخیندان تعقیب ائتدیکلرینی دیله گتیردی.
باش کاتیب قئید ائتدی کی، عرب اؤلکهلری آراسیندا علاقهلرین کسیلمهسینین، گوجلو اساسلارلا حل یولونا قویولماسی اوچون عضو اؤلکهلرله امکداشلیغا حاضیریق . بو، اطرافلی شکیلده ترور و رادیکال قروپلاشمالارلا موباریزه ساحهسیندکی قرارلارین و راضیلیق الده اولونان مسئلهلرین یولونو آچاجاقدیر.
عرب اؤلکهلری آراسینداکی حادثهلرین بو دوروما گلمهسیندن درین کدر دویدوغونو دیله گتیرن باش کاتیب اونو دا دئدی کی، بحرانلارین حلی اوچون ایلک پلاندا قارداش اؤلکهلر آراسینداکی علاقهلر آدی آخاریندا اولاناداک سعودی عربیستانی، بیرلشمیش عرب امیرلیک لری، بحرین، کویت، قطر و عمان آراسیندا 2004-جو ایلده ایمضالانان ریاض سازیشینین تطبیق ائدیلمهسی، ایکینجی اولاراق دا عضو اؤلکهلرین عرب بیرلیگی قاتیلیم سوزلشمهسینده وورغولانان اساس پرینسیپلره و ذیروه توپلانتی لاردا قبول ائدیلن بوتون قرارلارا صادق اولمالارینی تکلیف ائدیرم.
قئید ائدک کی، سعودی عربیستانی، میصر، بحرین، بیرلشمیش عرب امیرلیکلری، یمن، لیبی و مالدیو آدالاری، دونن قطر ایله بوتون دیپلوماتیک علاقهلرینی کسهرک، بو اؤلکه ایله دنیز و هاوا سرحدلرینی باغلامیشدی.
ایلگیلیلی خبرلر
جوزپ بورل فیلیسطین دؤولتینی تانییاجاق اؤلکهلری آچیقلادی
جوزپ بورل ایسپانیا، مالتا، ایرلاندیا و اسلوونیا-نین فیلیسطین دؤولتینی تانییاجاغینی بیلدیریب.