ساواش گمیسی میدان اوخودو
آمریکا، دونالد ترامپین باشقان اولماسیندان بو یانا گونئی چین دنیزینده ایلک دفعه پکنه میدان اوخوموش اولدو
آمریکایا عاید بیر ساواش گمیسی، گونئی چین دنیزینده چینین یاپدیغی بیر صونعی آدانین یاخینلیغیندان گئچهرک بؤلگهده حاق ادعا ائدن پکنه میدان اوخودو.
آمریکا مئدیاسینین وئردیگی بیلگیلره گؤره آدینی آچیقلامایان قایناقلار، یواساس دوی ساواش گمیسینین صونعی مرجان آداسینا 12 دنیز میلی مسافهدن گئچدیگینی سؤیلهدی.
آمریکا، دونالد ترامپین باشقان اولماسیندان بو یانا گونئی چین دنیزینده ایلک دفعه پکنه میدان اوخوموش اولدو.
چین، مرجانلار و آدالار داخیل بؤلگهنین بؤیوک بیر بؤلومونده حاق ادعا ائدیر.
بؤلگهده، فیلیپین، ویتنام، مالزی، برونئی و اندونزینین ده ساحلی وار.
آمریکا، اولوسلارآراسی سولاردا عملیاتلارینا داوام ائدهبیلهجیینی ساوونور.
واشنگتن، سولار دارتیشماسیندا طرف اولمادیغینی سؤیلهییر اما دیگر اؤلکهلرین حاق ادعا ائتدیگی دارتیشمالی آدالارا گئچمیشده ساواش گمیلرینی گؤندرمیشدی.
آمریکا، سیر سربستلیگی دئدیگی عملیاتلارلا، نقلیات خطلری ایله هاوا یوللارینا اریشیم ساغلانماسینی آماجلاییر.
واشنگتن آیریجا، استراتژیک سولاردا سفر اؤزگورلویونو قیسیتلادیغی اوچون پکنی تنقید ائتمیشدی.
چینین گونئی چین دنیزینده مرجانلار ایله صونعی آداجیقلار میدانا گتیرمهسی و بعضی آداجیقلارا عسگر قونوشلاندیرماسی بؤلگهده گرگینلییه سبب اولموشدو.
ترامپ یؤنهتیمی، قوزئی کرهنین نوکلئر تهدیدینه قارشی چینله امکداشلیغا گئتمک ایسترکن، آمریکا ساواش گمیسینی چینین صونعی آداسی یاخینیندان گئچمهسینین ایکی اؤلکه آراسینداکی ایلیشکیلرده گرگینلییه سبب اولاجاغی یوروملاری وئریلیر.
ایلگیلیلی خبرلر
روسیهده ایکی تراموای توققوشوب
کمرووا شهرینده باش وئرن تراموای قضاسیندا 7-سی اوشاق اولماقلا 109 نفرین یارالاندیغینی آچیقلانیب