داعش ایله امکداشلیق استعفا گتیردی
شیرکت احتیاج دویدوغو نفتی، داعشین کنترلونداکی آریندیراقلاردان تامین ائتدی
مشهور تیکینتی شیرکتی‌نین ترور هؤرگوتو داعش ایله امکداشلیق ائتدیگی‌نین اورتایا چیخماسی استعفا گتیردی.
فرانسا-سوئیس اورتاق‌لیغی اولان تیکینتی شیرکتی لافارژ-هولسیم‌ین باش مودورو اریک اولسن، سوریه‌ده داعش ایله ائتدیک‌لری امکداشلیغین اورتایا چیخماسی اوزرینه وظیفهسیندن استعفا ائتدی.
لافارژ-هولسیم قروپ، 2010.جو ایلده سوریه‌ده سیمان فابریکاسی آچدی.
2013.جو ایلده ترور هؤرگوتو داعش فابریکانیین اولدوغو بؤلگه‌نی اله گئچیردی.
شیرکت، اوره‌تدیگی سیمانی تروریستلرین کنترلونداکی نقطه‌لردن گئچیره‌بیلمک اوچون داعشه چوخ مقداردا پول اؤده‌دی.
داها دا اؤته‌سی، شیرکت احتیاج دویدوغو نفتی، داعشین کنترلونداکی آریندیراقلاردان تامین ائتدی.
اولای فرانسا مطبوعاتینا عکس اولونونجا، شیرکت یئتکی‌لی‌لری، سوریه‌ده‌کی تروریستلرله امکداشلیق ائتدیک‌لرینی قبول ائتدی‌لر.
وئریلن آچیقلامادا "ایندی باخینجا، فابریکانین ایشلمه‌سی اوچون لازیم اولان شرط‌لرین بو شکیلده تامین ائدیلمه‌سی‌نین قبول ائدیله‌بیلمز اولدوغونو گؤروروک" دئییلدی.
ایلگیلی‌لی خبرلر
فیلیسطینه دستک نوماییشلری داوام ائدیر
دونیانین بیر چوخ یئرینده مینلرله اینسان ایسرائیلین غزه زولاغینا هوجوملارینا اعتیراض ائدیب
