ترامپ: یاخین زاماندا ایرانلا ایلگیلی بیر شئی‌لر ائدجییک
"ایران، آنلاشمانین روحونا اویغون داورانمیر. داورانماق مجبوریتینده اما داورانمیر"
آمریکا پرزیدنتی دونالد ترامپ، ایرانین، نوکلئر آنلاشمانین روحونا اویغون داورانمادیغینی ایفاده ائده‌رک، ایره‌لی‌دکی مدتده بیر شئی‌لر ائدجیینی سؤیله‌دی.
دونالد ترامپ، ایتالیا باشباخانی پائولو جنتیلونی ایله آغ ائوده تشکیل ائتدیگی اورتاق مطبوعات کنفرانسیندا، ژورنالیست‌لرین سوال‌لارینی جاوابلادی.
ایران ایله پ5 + 1 اؤلکه‌لری‌نین 2015.جی ایلده امضالادیغی نوکلئر آنلاشمایا باغلی بیر سوال اوزرینه، بو آنلاشمانی "قورخونج" اولا‌راق دگرلندیرن و اؤزو اولسایدی اصلا امضالامایاجاغینی دیله گتیرن ترامپ،
"ایران، آنلاشمانین روحونا اویغون داورانمیر. داورانماق مجبوریتینده اما داورانمیر" دئدی.
"نه ائدیله‌بیلهجیینه باخا‌جاق‌لارینی" بیلدیرن ترامپ،
"من بوتون آنلاشما‌لارا طرفدارام اما بو چوخ پیس بیر آنلاشما، گؤردوگوم، امضالانمیش ان پیس آنلاشما. اونلار آنلاشمانین روحونا اویغون حرکت ائتمیرلر. بیز قونونو چوخ دقت‌لی بیر شکیلده آنالیز ائدیریک و یاخین زاماندا بو قونودا دئیه‌جک‌لریمیز اولا‌جاق" دئیه دانیشدی.
دونالد ترامپ، قوزئی کره‌نین موشک سیناق‌لارینا باغلی بیر سوال اوزرینه ده،
"قوزئی کره قونوسوندا چوخ یاخشی وضعیتده‌ییک" دئدی.
چین دؤولت باشقانی شی جینپینگ ایله گئچن هفته‌لرده گؤروشدوگونو و بو اؤلکه‌نین لیدئرینه بؤیوک سایغی دویدوغونو ایفاده ائدن ترامپ، شی‌نین قوزئی کره قونوسوندا الین‌دن گله‌نی ائدجیینه اینانجینی دیله گتیردی.
