قوزئی کوره: آمریکانین ایستمهسی حالیندا ساواشا گیدهبیلیریک
ناظیر معاوینی،"ترامپ، عصبی ایفادهلری دایما آرتیرار ائدیر. پروبلم چیخاران کوره دموکراتیک خالق جمهوریتی دئییل، آمریکا و ترامپدیر." دئدی
قوزئی کوره خاریجی ایشلر ناظیرینین معاوینی حان سونگ ریول، آمریکانین ایستمهسی حالیندا ساواشا گیدهبیلهجکلرینی سؤیلهدی.
آمریکا ایشلری عذره خاریجی ایشلر ناظیری معاوینی حان، پایتخت پیونگیانگ آسوشیتد پرس آژانسینا وئردیگی اؤزل موصاحیبهده، آمریکا پرزیدنتی دونالد ترامپین آتدیغی توییتر و گئنیشلتدیگی مانورلر ایله کوره یاریماداسیندا باسقی یوکسلتدیگینی ایفاده ائتدی.
ناظیر معاوینی،
"ترامپ، عصبی ایفادهلری دایما آرتیرار ائدیر. پروبلم چیخاران کوره دموکراتیک خالق جمهوریتی دئییل، آمریکا و ترامپدیر." دئدی.
ترامپین قوزئی کوره یؤنلیک سیاستلرینی کئچمیش رهبرلیکله قارشیلاشدیردیقلارینی ایفاده ائدن خان، آمریکانین، اسکی پرزیدنتی باراک اوباما دؤنمیندکیندن "داها شیدتلی و عصبی" اولماغا باشلادیغی نتیجهسینه واردیقلارینی دیله گتیردی.
آمریکانی، قوزئی کوره اوردوسونو تحریک ائتممهسی موضوعسوندا خبردار ائدن حان،
"اونلار ایسترسه ساواشا گئدریک. حاضیردا الیمیزده گوجلو نوکلئر داشیندیریجی سیلاحیمیز وار." دئدی.
حان، آمریکانین اؤنلهییجی سالدیریسی ایله قارشی-قارشییا قالدیقلاریندا علی قولو باغلی دورمایاجاقلارینی دا وورغولادی.