قادینلار سیاستچیلرین سایی آزالیر
بیرلشمیش میللتلر تشکیلاتی قادین فوندو و پارلامنتلرآراسی بیرلیک طرفیندن یاییملانان "سیاستده قادین 2017" خریتهسینین معلوماتلارینا گؤره، 2016-جی ایلده دونیا سویهسینده حکومت و پارلامنتلرده قادینلارین ساییندا آزالما وار.
بیرلشمیش میللتلر تشکیلاتی قادین فوندو و پارلامنتلرآراسی بیرلیک طرفیندن یاییملانان "سیاستده قادین 2017" خریتهسینین معلوماتلارینا گؤره، 2016-جی ایلده دونیا سویهسینده حکومت و پارلامنتلرده قادینلارین ساییندا آزالما وار.
بیرلشمیش میللتلر تشکیلاتی قادین فوندو طرفیندن وئریلن یازیلی آچیقلامایا گؤره، دونیا میقیاسیندا دؤولت ایدارچیلیگینده کی و پارلامنتدکی قادینلارین سایینی گؤسترن "سیاستده قادین 2017" خریتهسی سیاستده توپلومسال جنسیت برابرلیگی موضوعسوندا بولگهسل و میللی سویهده ایرهلیلمه سرعتینین آز اولدوغونو گؤستردی.
پارلامئنتلرآراسی بیرلیک و بیرلشمیش میللتلر تشکیلاتینین قادین فوندو طرفیندن 2005-جی ایلدن اعتباراً هر ایل حاضرلانان خریتهنین 2017-جی ایل سایی یاییملاندی.
خریتهیه گؤره، دونیا مقیاسیندا پارلامنتلردکی قادین میللت وکیل لرین نیسبتینده دقت چکن بیر آرتیم اولمادی.
2015 -جی ایلده 22،6% اولان نیسبت، 2016-جی ایلده 23،3%-ه چیخدی.
دؤولت و حکومت باشقانی قادین اولان اؤلکهلرین سایی 2015-جی ایلده 19 ایدی. 2016-جی ایلده بو رقم 17-یه دوشدو.
مجلیس صدری اولان قادینلارین نیسبتی ایسه ان یوکسک سویهیه چاتاراق 19،1% تشکیل ائتدی.
قادین ناظیرلرین سایی 730-دان 732-ا یوکسهلهرک، 18،3% تشکیل ائتدی.