باغیمسیزلیق اویلاماسی تکلیفینه دستک
استورگون، یئنی خالق اویلاماسی اوچون اینگیلتره پارلمانینا رسمی مراجعت ائتمک حاقینی آلمیش اولدو
اسکاتلند بؤلگه‌سل حکومتی باش باخانی نیکولا استورگونون اینگیلتره‌دن آیریلماق مقصدیله ایکینجی بیر باغیمسیزلیق خالق اویلاماسی ائدیلمه‌سی قونوسون‌داکی تکلیفی، پارلمان طرفین‌دن دستکلندی.
نیکولا استورگونون باشقان‌لیق ائتدیگی اسکاتلند میلی پارتیسی‌نین وکیل‌لری، یاشیللارین دستگی ایله لازیم اولان سس چوخلوغونو الده ائدرکن ایستورگون، یئنی خالق اویلاماسی اوچون اینگیلتره پارلمانینا رسمی مراجعت ائتمک حاقینی آلمیش اولدو.
استورگون، آوروپا بیرلیگین‌دن آیریلماماق اوچون بیرلشمیش کرال‌لیق‌دان آیریلماق ایسته‌دیک‌لرینی دیله گتیریردی.
استورگون، اینگیلتره‌دن آیریلماق مقصدیله ایکینجی بیر موستقیل‌لیک خالق اویلاماسی ائدیلمه‌سی قونوسوندا دانیشیق‌لار باشلاتمیشدی.
خالق اویلاماسی‌نین، 2018.جی ایلین گوزو ایله 2019.جو ایلین یاز آیلاری آراسین‌داکی دؤورده ائدیلمه‌سی پلانلاشدیریلیر.
22 مارسدا ائدیلمه‌سی لازیم اولان سس وئرمه، لندن‌ده‌کی سالدیری اوزون‌دن ارته‌لنمیشدی.
اؤلکه‌دکی ایلک موستقیل‌لیک خالق اویلاماسیندا مرکزی حکومتین، "بیرلشمیش کرال‌لیق‌دان آیریلماق آوروپا بیرلیگین‌دن ده آیریلماق آنلامینا گلیر" شکلین‌دکی ایفاده‌سی‌نین ده ائتکیسی ایله خالقین یوزده 55ی بؤیوک بریتانیادا قالماق‌دان یانا سس وئرمیشدی.
اینگیلتره، اسکاتلند، ولز و قوزئی ایرلنددن عبارت بیرلشمیش کرال‌لیقدا گئچن ایل ائدیلن آوروپابیرلیگی خالق اویلاماسیندا خالقین یوزده 52سی برکسیته اوی وئرمیشدی.
