نتانیاهو:"ایران مسئله‌سینده امریکا ایله همفیکیریق"
نتانیاهو ناظیری شورا توپلانتی سیندا "ایران-ین بولگه‌سل معنادا ان بویوک تهدید اولدوغو" باره‌ده آمریکا پرزیدنتی ترامپ ایله همفیکیر اولدوق‌لارینی بیلدیردی.
ایسرائیل-ین باش ناظیری بنیامین نتانیاهو اؤلکه‌سی ایله آمریکا پرزیدنتی دونالد ترامپ آراسیندا اردن چایی‌نین غرب ساحلینده سالینان یهودی یاشاییش مسکن‌لری ایله علاقه‌لی اولا‌راق بیرگه کومیسیون قورولاجاغینی سؤیله‌دی.
ایسرایل دؤولت رادیوسونون خبرینه اساساً، ناظیرلر شوراسینین ییغینجاغیندا دانیشان نتانیاهو بیلدیردی کی، آمریکایا سفری زامانی یئنی پرزیدنت ترامپ ایله کئچیردیگی گؤروشده ایکی اؤلکه آراسیندا ایشغال آلتینداکی اردن چایی‌نین غرب ساحلینده کی یاشاییش مسکن‌لری‌نین وضعیتی‌نین موذاکیره ائدیله‌جگی بیرگه کومیسیون قورولماسی قرارا آلیندی.
ایشغال آلتینداکی دوغو قدس-ده یهودی یاشاییش مسکن‌لری‌نین سالینما ایشلری‌نین داوام ائدجگینی دیله گتیرن نتانیاهو اردن چایی‌نین غرب ساحلینده کی یاشاییش مسکن‌لری‌نین تیکینتی ایشلری باره‌ده ایسه آمریکا ایله راضی‌لیق الده ائتمه‌یه جهد گؤستردیک‌لرینی سؤیله‌دی.
امریکا سفری ایله اؤلکه آراسین‌داکی علاقه‌لرین داها دا اینکیشاف ائتدیگینی وورغولایان نتانیاهو همین کومیسیونون چالیشما پروسئسی باره‌ده ایسه معلومات وئرمه‌دی.
نتانیاهو ناظیری شورا توپلانتی سیندا همچنین "ایران-ین بولگه‌سل معنادا ان بویوک تهدید اولدوغو" باره‌ده آمریکا پرزیدنتی ترامپ ایله همفیکیر اولدوق‌لارینی بیلدیردی.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
