مایکل فالون: ناتو سایبر دونیاسیندا دا تأثیرلی بیر شکیلده ساوونماسی اولمالی
اینگیلتره ساوونما ناظیری مایکل فالون ناتو-نون اؤزونو هاوادا، قارادا و دنیزده اولدوغو کیمی سایبر دونیاسیندا دا تأثیرلی بیر شکیلده ساوونماسی لازیم اولدوغونو سؤیله‌دی
اینگیلتره ساوونما ناظیری مایکل فالون ناتو-نون اؤزونو هاوادا، قارادا و دنیزده اولدوغو کیمی سایبر دونیاسیندا دا تأثیرلی بیر شکیلده ساوونماسی لازیم اولدوغونو سؤیله‌دی
اسکاتلند‌دکی سنت. آندرو اونیورسیته‌سینده بیر چیخیش ائدن فالون، روسیانی هدف آلا‌راق، بو اؤلکه‌نین غرب اؤلکه‌لرینه قارشی سایبر سالدیری‌لار تشکیل ائتدیگینی ایره‌لی سوردو.
"ناتو-نون اؤزونو سایبر دونیاسیندا دا هاوادا، قارادا و دنیزده اولدوغو کیمی تأثیرلی بیر شکیلده ساوونماسی لازیم‌دیر کی سایبر سیلاح‌لاری ایستیفاده ائدن‌لر بونون بیر بدلی اولاجاغینی بیلسینلر." دئین فاللون، اؤزللیکله روسیانین غرب اؤلکه‌لرینده کریتیک آلت یاپیلار و دموکراسینی هدف آلدیغینی ساووندو.
روسیا دولت باشقانی ولادیمیر پوتین‌ین غربین "ایستراتژی رقیبی" اولماغی اوستون ائتدیگینی ایفاده ائدن فالون، موسکوانین مقصدی‌نین ناتو ضعیفلدمک اولدوغو فیکیرینی دیله گتیردی.
روسیانین "سهو بیلگینی سیلاحلاشدیراراق" یئنی بیر چاغی باشلاتدیغینی ایفاده ائدن فالون، بو یئنی چاغی "دوزگونلوک-سونراسی" دئیه خاراکتریزه ائتدی.
"روسیا آچیق شکیلده ناتو و غربی سینیر." ایفاده‌سینی ایستیفاده فالون،
"تأثیر ساحه‌سینی گئنیشلندیرمه‌یه، اؤلکه‌لری ایستیقرارسیزلاشدیرمایا و اتفاقی ضعیفلدمه‌یه چالیشیر. بیر چوخ موتتفیقیمیزدیر میللی امنیته و قایدا‌لارا سؤیکنن بین الخالق سیستمه ضرر وئریر." دئیه دانیشدی.
فالون، ناتو گوجلو توتمانین آوروپانین منفعتینه اولاجاغینی و روسیانی ایزلدیگی یول‌دان جایدیراجاغینی قید ائتدی.
