دونیا جمعیتی
جمعیتین ان چوخ آرتاجاغی قاره آفریقادا 2100ده 4،3 میلیارد نفر یاشایاجاق
دونیا جمعیتی 2100.جو ایلده 11،2 میلیاردا چاتاجاق.
بیرلشمیش میلتلره گؤره، سون عصرلرده آرتان دونیا جمعیتی 1800.جو ایلده تخمینن 1 میلیارد، 1900ده 1،5 میلیارد اولارکن، 2000.جی ایلده دونیا جمعیتی 6،1 میلیاردا چیخدی.
بیرلشمیش میلتلرین حسابلامالاریندا دونیا جمعیتینین 2017 تخمینلرینده 7،5 میلیارد اولدوغو، بو سایینین 2020.جی ایله قدر 7،7 میلیاردا، 2040دا 9،1 میلیاردا، 2060دا 10،1 میلیاردا، 2080ده 10،8 میلیاردا، 2100ده ایسه 11،2 میلیاردا چاتاجاغی اؤن گؤرولور.
جمعیتین ان چوخ آرتاجاغی قاره آفریقادا 2100ده 4،3 میلیارد نفر یاشایاجاق. آسیا قارهسینده ایسه اهالینین 2100ده 4،8 میلیاردا دوشهجیی تخمین ائدیلیر.
دقت چئکن باشقا قاره ایسه آوروپا. حاضردا جمعیتی 739 میلیون اولان آوروپانین جمعیتینین گئدهرک آزالاجاغی گؤزلنتیسی وار. آوروپادا 50 ایل سونرا اهالینین 676 میلیونا، 2100.جو ایله قدر ایسه 645 میلیونا دوشهجیی تخمین ائدیلیر.
2100ده جمعیتی ان چوخ آرتان اؤلکه ایسه هیندیستانین اولاجاق. 2100ده هیندیستانین جمعیتی 1،6 میلیاردی گئچرکن، چینین جمعیتی 1 میلیاردا دوشهجک.
بیرلشمیش میلتلر، دونیا اهالی آرتیشینا سبب اولاجاق فاکتورون دوغورقانلیق درجهلرینده یوکسلیش دئییل، اورتا عؤمرون آرتماسی اولاجاغینا ایشاره ائتدی.
دونیادا اورتالاما حیات مدتینین آرتماسی ایله 2100 ایلینه قدر 80 یاش اوستو شخصلرین یوزده 1،7دن یوزده 8،4ه چیخاجاغی تخمین ائدیلیر.
آرتان دونیا جمعیتینده ایسه جینسیت داغیلیمیندا دییشیکلیک گؤزلنیلمیر .