28. آفریقا بیرلیگی ایجلاسی سونا چاتدی
بیرلشمیش میللتلر تشکیلاتی‌نین باریش گوچلرینی تنقید ائدن کنده، گونئی سودان و کونگوداکی وضعیت‌لری‌نین قارّه‌نین اؤزونو ایداره ائتمه‌سی‌نین ان دقته چارپان دلیلی اولدوغونا ایشاره ائتدی
اتیوپی‌نین باشکندی آدیس آبابادا تشکیل ائدیلن 28. آفریقا بیرلیگی ایجلاسی سونا چاتدی.
ایجلاسین باغلانیش ایجلاسیندا، 29. آفریقا بیرلیگی ذیروه‌سی‌نین ژوئیه‌ده آدیس آبابادا ائدیلمه‌سی قرارلاشدیریلدی.
قاپانیش ایجلاسیندا دانیشان گینه پرزیدنتی و آفریقا بیرلیگی‌نین یئنی دؤور باشقانی آلفا کنده، آفریقا بیرلیگی‌نین، آمریکا پرزیدنتی دونالد ترامپ‌ین 7 اؤلکه‌نین وطنداش‌لاری‌نین آمریکایا گیریشینه مانع تؤره‌دن قرارینا قارشی بو اؤلکه‌لر ایچریسینده اولان سوما‌لی و سودان ایله همرای‌لیک ایچینده اولدوغونو ایفاده ائتدی.
مراکشین آفریقا بیرلیگینه دؤنوشونون بیرلیک ایچریسینده بؤلونمه‌یه سبب اولاجاغی سؤز-صحبت‌لرینه قارشی ایجلاسین قارّه‌دکی همرای‌لیک روحونو دونیایا گؤستردیگینی ایفاده ائدن کنده، الجزایر پرزیدنتی عبدالعزیز بوتفلیقه ایله زیمبابو دولت باشقانی رابرت موگابه‌نین آفریقانین بیرلیک پرینسیپ‌لرینی قوروما موضوعسون‌داکی موضع‌لریندن تعریفله سؤز ائتدی.
مراکئش کرا‌لی 6. محمدین دانیشماسینی "تأثیر ائدیجی" اولاراق خاراکتریزه ائدن کنده، آفریقانین پروبلم‌لرینی اؤزونون حل ائتمه‌سی لازیم اولدوغونو قید ائتدی.
بیرلشمیش میللتلر تشکیلاتی‌نین باریش گوچلرینی تنقید ائدن کنده، گونئی سودان و کونگوداکی وضعیت‌لری‌نین قارّه‌نین اؤزونو ایداره ائتمه‌سی‌نین ان دقته چارپان دلیلی اولدوغونا ایشاره ائتدی.
آفریقا اؤلکه‌لری‌نین دولت باشقانیلاری بیرلیگی‌نین ائتدیگی قرارلارا حؤرمت ائتمه‌یه و بون‌لارا اویغون گلمه‌یه چاغیران کنده، بیرلیگین بو گون‌دن اعتباراً ایجلاسلارا دولت باشقانی، کؤمکچی‌سی و یا باش ناظیر دیشیندا قاتیلیمچیلاری قبول ائتمیه‌جگینی سؤیله‌دی.
آفریقا بیرلیگی‌نین کؤچ موضوعسویلا باغلی غربله ایرتیباطا کئچمه‌سی اوچون اوگاندا پرزیدنتی یووئری کاگوتا موسونی‌نی وظیفه‌لندیردیغینی آختاران کنده، کؤچ موضوعسوندا بیرلیک خاریجینده آوروپا بیرلیگی ایله فردی مذاکیره‌لری قبول ائتمیه‌جگینی دیله گتیردی.
آفریقا بیرلیگی کومیسیونونون یئنی باشقانی موسی فاکی محمد، آفریقانین باریش، ترور و امنیت موضوعلاریندا یاشادیغی چتین‌لیک‌لری آشماق اوچون تلاش صرف ائتمه‌سی لازیم اولدوغونو ایفاده ائتدی.
قارّه‌نین یاشادیغی چتین‌لیک‌لرین اوسته‌سیندن گلمک اوچون آفریقا رهبرلری ایله خالق‌لارینی بیرلیک اولماغا چاغیران محمد، مراکشین بیرلیگه دؤنمسین‌دن ممنونیت دویدوغونو، بونون قاره‌نین بیرلیگینی گوجلندیرجگینی سؤیله‌دی.
آفریقا بیرلیگی کومیسیونو اسکی باشقانی نکوسازانا دلامینی زوما، آفریقا خالقی‌نین گلیشمه‌سی و ریفاهی اوچون آفریقایا ان یاخشی‌سی‌نین وئریلمه‌سی لازیم اولدوغونا توخونا‌راق، مراکشین بیرلیگه دؤنوشونو مثبت قارشیلادیغینی قید ائتدی.
