آلمانیا باش ناظیری آنگلا مرکل، 2 فوریه‌ده تورکیه‌یه گله‌جک
مرکلین سفری چرچیوه‌سینده، باش ناظیر بینا‌لی ییل‌دیریم ایله باش-باشا گؤروشمه‌سی، آردین‌دان دا ایکی باش ناظیر باشچیلیغیندا هیاتلرآراسی گؤروشمه‌لر ائدیلمه‌سی نظرده توتولور
آلمانیا باش ناظیری آنگلا مرکل، 2 فوریه‌ده تورکیه‌یه گله‌جک.
مرکلین گوندمینده سیغینماچیلار بحرانی‌نین حلّی، بؤلگه‌سل پروبلم‌لر، ترورلا موباریزه‌ده امکداش‌لیق و ایقتیصاد موضوعلاری یئر آلیر.
مرکلین سفری چرچیوه‌سینده، باش ناظیر بینا‌لی ییل‌دیریم ایله باش-باشا گؤروشمه‌سی، آردین‌دان دا ایکی باش ناظیر باشچیلیغیندا هیاتلرآراسی گؤروشمه‌لر ائدیلمه‌سی نظرده توتولور.
مرکلین، پرزیدنت رجب طیب اردوغان طرفین‌دن ده قبول ائدیلمه‌سی گؤزلنیلیر.
آلمانیادا سپتامبر آییندا ائدیله‌جک عمومی سئچیم‌لرده 4-جو دفعه نامیزد اولان آنگلا مرکلین اهمیت‌لی گوندم مادده‌لری آراسیندا سیغینا‌جاق آختاران شخص‌لر بحرانی‌نین حلّی اوچون ایش بیرلیگی اهمیت‌لی بیر یئر توتور.
چوخ تنقیدلره باخمایا‌راق بو گونه قدر سیغینماچیلار اوچون آچیق قاپی سیاستینی ساوونان، سیغینماچیلار بحرانی‌نین آنجاق تورکیه ایله ایش بیرلیگی ایچینده حلّ ائدیله بیله‌جگینی ایفاده ائدن مرکل، عمومی سئچیم اوّلینده بو سیاستی‌نین اوغورلارینی توپلوما گؤسترمگی مقصد قویور.
آلمانیا باش ناظیری‌نین زیارتینده اله آلینماسی گؤزلنیلن بیر دیگر اهمیت‌لی گوندم ماده‌سینی، امنیت و ترورلا موباریزه‌ده امکداش‌لیق میدانا گتیره‌جک.
تورکیه، خصوصیله بؤلوچو ترور تشکیلاتی پ.ک.ک-نین آلمانیا‌داکی فعالیت‌لری‌نین اوزرینه گئدیلمه‌سینی، تشکیلاتین تبلیغات و مالی فعالیت‌لری‌نین قارشی‌سی‌نین آلینماسینی طلب ائدیر.
مرکلین آنکارا زیارتییله عینی گون‌لرده آلمانیا‌دان اوست سویه بیر هیات ده، تورکیه‌یه گله‌رک امنیت موضوعلارینی مذاکیره یاتیراجاق.
ایچ ایشلر ناظیرلیگی موشاویری دوکتور امیلی هابر باشقانلیغی اوست سویه هیاتین تماس‌لاریندا، ترورلا موباریزه ایش بیرلیگی‌نین گوجلندیریلمه‌سینه دؤنوک آددیم‌لارین اله آلینماسی گؤزلنیلیر.
تورکیه آیریجا فتح الله‌چی ترور تشکیلاتی‌نین (فتو) آلمانیا‌داکی فعالیت‌لری‌نین اوزرینه گئدیلمه‌سینی، 15 ژوئیه کودتا گیریشیمی‌نین آردین‌دان آلمانیایا قاچان فتو عضو‌لری‌نین قایتاریلماسینی طلب ائدیر.
آنگلا مرکلین سقرینده، ایقتیصاد و تیجارت ایلیشکیلرین اینکیشاف ائتدیریلمه‌سی ده اهمیت‌لی یئر توتا‌جاق.
زیارت چرچیوه‌سینده، آلمانیانین ان بؤیوک تیجارت اورتاقلاریندان تورکیه‌دکی یاتیریمچیلارین پروبلم‌لری و گؤزلمه‌لری‌نین دانیشیلاجاغی، سرمایه‌لری تشویق ائتمه‌یه دؤنوک مساژلار وئریله‌جگی بیلدیریلیر.
ایلگیلی‌لی خبرلر
روسیه خارکوف ویلایتینده راکت هوجومو حیاتا کئچیریب
روسیه‌نین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب
