سنگال اوردو بیرلیک‌لری، گامبیایا نیظامی مداخیله باشلاتدی
سنگال اوردو سؤزچوسولرین‌دن ائدیلن آچیقلامایا گؤره، سنگال‌ین دا یئرآلدیغی غربی آفریقا اقتصادی بیرلیگی اؤلکه‌لرینه (ECOWAS) عاید اوردو بیرلیک‌لری، گامبیا تورپاق‌لارینا گیردی
سنگال اوردو بیرلیک‌لری، گامبیادا دولت باشقان‌لیغی‌نین آداما بارو-یا کئچیشی‌نین تامین ائدیلمه‌سی اوچون نیظامی مداخیله باشلاتدی.
سنگال اوردو سؤزچوسولرین‌دن ائدیلن آچیقلامایا گؤره، سنگال‌ین دا یئرآلدیغی غربی آفریقا اقتصادی بیرلیگی اؤلکه‌لرینه (ECOWAS) عاید اوردو بیرلیک‌لری، گامبیا تورپاق‌لارینا گیردی.
آچیقلامادا، نیظامی حرکتلیلیگین، بیرلشمیش میللت‌لر تشکیلاتی‌نین امنیت شوراسی‌نین، گامبیادا دولت باشقان‌لیغی‌نین آداما بارو-یا کئچیشی‌نین تامین ائدیلمه‌سی اوچون نیظامی مداخیله حاضیرلیغی ائدن غربی آفریقا اقتصادی بیرلیگی اؤلکه‌لری دستک قرارین‌دان سونرا باشلادیغی قید ائدیلدی.
آدی‌نین آچیقلاماسینی ایستمه‌ین بیر غربی آفریقا اقتصادی بیرلیگی اؤلکه‌لری مسئولو، گامبیا اوردوسونون غربی آفریقا اقتصادی بیرلیگی اؤلکه‌لری اوردو بیرلیک‌لرینه هر هانسی بیر مقاومت گؤسترمدیگینی ایفاده ائده‌رک،
"فارافنیدکی یئرلی امنیت گوجلری‌نین آغ بایراق‌لار یئلله‌یه‌رک غربی آفریقا اقتصادی بیرلیگی اؤلکه‌لری اوردو بیرلیک‌لری‌نین سورونسوز کئچیشینه ایجازه وئردیلر." دئدی.
بو آرادا، گامبیادا دؤور تسلیم مراسیمی‌نین دونن گرچکلشممسی اوزرینه آداما بارو، قونشو اؤلکه سنگال‌داکی گامبیا ائلچیلیغینده دولت باشقان‌لیغی اوچون آند ایچدی.
بارو آندیچمه مراسیمینده ائتدیگی دانیشمادا، دولت باشقان‌لیغی وظیفه‌سینی تحویل وئرمگی رد ائدن یاحیا جامع سؤزونو توتماغا دعوت ائده‌رک،
"یاخیندا یئنی حکومتی قوراجاغام. آردین‌دان گامبیایا دؤنوب اؤلکه‌مین گلیشمه‌سی اوچون ایشلره باشلایاجاغام." دئدی.
بارو، گامبیاداکی امنیت گوجلرینی ده "دوروست" اولماغا چاغیردی.
گامبیا باش قرارگاه باشقانی عثمان بادی‌نین ده، آداما بارو-نون اقتدارا گلیشینی قوتلادیغی ادعا ائدیلدی.
یئرلی قایناق‌لار، بادی‌نین، باشکند بانژول‌دا بارو-نون اقتدارا گلمه‌سینی قوتلایان‌لارا یولداش‌لیق ائتدیگینی بیلدیریب.
آمریکا دا گامبیادا دولت باشقان‌لیغی‌نین آداما بارو-یا گئچیشی‌نین تامین ائدیلمه‌سی اوچون نیظامی مداخیلنی دستکلدیگینی بیلدیردی.
جنوبی آفریقا اؤلکه‌لرین‌دن بوتسوانا ایسه، گامبیاداکی سئچیم‌لری ایتیردیگی حالدا وظیفه‌سینی آداما بارو-یا دئور ائتمه‌ین جامع‌ه حکومتینی تانیمادیغینی آچیقلایان ایلک اؤلکه اولدو.
بوتسوانا حکومتین‌دن ائدیلن آچیقلامادا، دولت باشقانی یحیی جامع‌ین گامبیا خالقی‌نین قرارینا حؤرمت گؤسترممسی‌نین آفریقا قاره‌سینده دموکراسینی ضعیف‌لددیگی ایفاده ائدیلدی.
ایلگیلی‌لی خبرلر
بایدن فرانسادا زلنسکی ایله گؤروشه‌جک
امریکا پرزیدنتی جو بایدن ژوئن‌ین 7-ده فرانسادا اوکراینا‌لی همکاری ولودیمیر زلنسکی ایله گؤروشه‌جک.
