فرانسوا اولاند و آنگلا مرکل، ولادیمیر پوتین ایله تلفونلا گؤروشدو
آچیقلامادا، 16 ژانویه بازار ارته‌سی اوکراین دولت باشقانی پترو پروشنکو ایله بیر تلفون گؤروشمه‌سی رئال‌لاش‌دیران اولاند و مرکل‌ین دونن ده مینسک موقاویله‌سی‌نین تطبیق اولونماسی موضوعسوندا پوتین ایله بیر تلفون گؤروشمه‌سی رئاللاشدیردیغی بیلدیریلدی
فرانسا پرزیدنتی فرانسوا اولاند و آلمانیا باش ناظیری آنگلا مرکل، اوکراین پروبلمینه حلّ تاپما آختارما‌لاری چرچیوه‌سینده روسیا دولت باشقانی ولادیمیر پوتین ایله تلفونلا گؤروشدو.
الیزه ساراییندا ائدیلن یازی‌لی آچیقلامادا، 16 ژانویه بازار ارته‌سی اوکراین دولت باشقانی پترو پروشنکو ایله بیر تلفون گؤروشمه‌سی رئال‌لاش‌دیران اولاند و مرکل‌ین دونن ده مینسک موقاویله‌سی‌نین تطبیق اولونماسی موضوعسوندا پوتین ایله بیر تلفون گؤروشمه‌سی رئاللاشدیردیغی بیلدیریلدی.
پرزیدنتی اولاند، گؤروشمه‌ده، 24 دسامبردا الده ائدیلن راضیلاشمایا اویغون اولا‌راق آتشکسه حؤرمت گؤستریلمه‌سی‌نین واجیب‌لیگی وورغولادی، بو آتشکسین داوام‌لی و اعتبارلی شکیلده تامین ائدیلمه‌سی‌نین اهمیتینه توخوندو.
اینسانی موضوعلاردا دا ایره‌لیلمه تامین ائدیلمه‌سینی طلب ائدن اولاند، ساواش اسیرلری‌نین آزاد بوراخیلماسی و سو تداریکی ایله باغلی آلت یاپینین یئنی‌دن قورولماسی‌نین واجیب‌لیگینی وورغولادی.
مینسک موقاویله‌سی‌نین، اوکراین بحرانینا باریش حلّ اولماسی یولوندا تک یول اولدوغو خبردارلیغی ائدن اولاند، فرانسا، آلمانیا، روسیا و اوکراین آراسیندا یارادیلان نورماندی فورماتی‌نین پروبلم‌لرین حلّین‌دکی اهمیت‌لی رولونا ده ایستیناد ائدیلدی.
گؤروشمه‌ده سوریه موضوعسونون دا اله آلیندیغی ایفاده ائدیلن آچیقلامادا، اولاندین قازاقیستانین باشکندی آستاناداکی دانیشیق‌لارین، بیرلشمیش میللت‌لر چتیری آلتیندا سوئیس‌ین ژنو شهرین‌دکی باریش دانیشیق‌لاری‌نین یئنی‌دن باشلادیلابیلمسی اوچون بیر اعتاپ اولماسی یولون‌داکی آرزوسونو دیله گتیردیگی قید ائدیلدی.
سوریه‌ده آتشکسین اهمیتینه دقتی چکن اولاند، سوریه‌دکی مخالیف قروبون هامیسی‌نین دانیشیق‌لاردا قاتیلماسی موضوعسون‌داکی فیکیرینی ده تکرارلادی.
ایلگیلی‌لی خبرلر
بمت اوکراینادا آرتان هوجوم‌لارلا باغلی خبردارلیق ائدیب
بمت تهلوکه‌سیزلیک شوراسیندا اوکراینا‌داکی اینسانی وضعیتله باغلی حادثه‌لر موذاکیره ائدیلیب.
