آوروپا پارلامنتی‌نین یئنی صدری سئچیلدی
قورومون یئنی صدری وظیفه‌سینه آوروپا خالق پارتیسی‌نین نماینده‌سی، 63 یاش‌لی ایتالیا‌لی آنتونیو تاجانی سئچیلدی.
آوروپا پارلامنتی‌نین یئنی صدری خریستیان دئموکرات‌لاری قروپونون تشکیلاتی اولان آوروپا خالق پارتیسی‌نین نامیزدی ایتالیان آنتونیو تاجانی اولدو.
دونن آوروپا پارلامنتی‌نین استراسبورگ-دا کئچیریلن عمومی اجلاسی چرچیوه‌سینده باش توتان سس وئرمه‌نین دؤردونجو تورونون نتیجه‌لرینه اساساً قورومون یئنی صدری وظیفه‌سینه آوروپا خالق پارتیسی‌نین نماینده‌سی، 63 یاش‌لی ایتالیا‌لی آنتونیو تاجانی سئچیلدی.
نتیجه‌لرین اعلان اولونماسین‌دان سونرا چیخیش ائدن تاجانی غلبه‌سینی ایتالیادا کئچن ایل باش وئرن زلز‌له‌ده اولنلره حصر ائتدیگینی ایفاده ائده‌رک، آوروپانی بیرلیگه چاغیردی.
آنتونیو تاجانی بو وظیفه‌یه سئچیلدیک‌دن سونرا کئچیردیگی ایلک مطبوعات کونفرانسیندا دا آوروپادا دایانیشما و بیرلیگه احتیاج اولدوغونو وورغولادی.
تاژانی سس وئرمه‌دن اوولکی چیخیشیندا ایسه، آوروپانین دییشمه‌سی‌نین ضروری‌لیگینی قئید ائده‌رک: "آوروپا پارلامنتی‌نین صدری هر کسه یاخین و دیالوقا آچیق اولما‌لی‌دیر. آوروپا بیرلیگی دوشونجه سینه اینانیرام. من پارلامنت صدری اولاجاغام، باش ناظیر دئییل. خالقا داها یاخین اولماق مجبوریتیندییک"دئدی.
تاجانی اینگیلتره‌نین گله‌جکده آوروپا بیرلیگی اوچون اهمیت‌لی بیر اورتاق اولاجاغینی دا وورغولادی.
