آمریکا، پ.ی.د تروریستلرینی قورومایا داوام ائدیر
تونره آمریکا ساوونما باخانی اشتون کارترین، سنادا ائتدیگی بیر دانیشمادا، پنتاگونون پ.ی.دیه سلاح وئردیگینی قبول ائتدیگی خاطیرلاتیلدی
آمریکانین، بؤلوجو ترور هؤرگوتو پ‌کاکانین سوریه قولو پ.ی.دیه دایر توتوموندا اعتراف‌لار داوام ائدیر.
واشنگتن، سوریه‌دکی اوزون مدت‌لی سیاسی چؤزوم آختاریش‌لاریندا، ترور هؤرگوتو پ‌کاکانین بو اؤلکه‌دکی اوزانتیسی پ.ی.دنین ده ماسادا یئر آلماسی لازیم اولدوغونو مدافعه ائتدی.
خاریجی ایشلر باخانلیغی سؤزچوسو مارک تونر، گونده‌لیک مطبوعات کنفرانسیندا، سوریه‌دکی ایچ ساواشین سونا چاتماسی اوچون بیرلشمیش میلت‌لر تشکیلاتینین لیدئرلیگین‌دکی چؤزوم آختاریش‌لاری‌نین "تک چؤزوم" یولو اولدوغونو دوشوندوک‌لرینی ایفاده ائده‌رک،
"باریش دانیشیق‌لاریندا، کیمین ایشتیراک ائدجیی، ایلگیلی قروپ‌لارا و سوریه خالقینا قالمیش" دئدی.
"پ.ی.دنین ماسادا یئر آلابیله‌جیینی می دئییرسینیز؟" سوالینا تونر،
"بیزیم دوشونجه‌میزه گؤره بیر نقطه‌ده اونلار دا بو پروسه‌نین بیر پارچاسی اولما‌لی‌دیر. پ.ی.د ساحه‌ده تمثیلیتی اولان بیر قروپ. سوریه‌دکی اوزون وعده چؤزوم آختاریش‌لاریندا دا سس‌لری‌نین ائشیدیلمه‌سی لازیم‌دیر" دئدی.
مارک تونر اؤلکه‌سی‌نین، ترور هؤرگوتو پ‌کاکانین سوریه قولو پ.ی.دنین سلاحلی قانادی ی.پ.گ‌یه سلاح وئرمه‌دیگی یولون‌داکی سؤزلرینی ده تکرار ائتدی.
بو سؤزلری اوزرینه تونره آمریکا ساوونما باخانی اشتون کارترین، سنادا ائتدیگی بیر دانیشمادا، پنتاگونون پ.ی.دیه سلاح وئردیگینی قبول ائتدیگی خاطیرلاتیلدی.
تونر، کارترین آچیقلاما‌لاری‌نین یانیندا اولمادیغینی ایفاده ائده‌رک،
"سلاح‌لارین پ.ی.دیه وئریلمه‌دیگی یولون‌داکی سؤزلرینی" تکرارلادی.
مارک تونر، "اگر پ.ی.د، پ‌کاکا دئییلسه نیه اونلارا سلاح وئرمیرسینیز؟" شکلین‌دکی سوالا ایسه دقیق بیر جاواب وئرمک‌دن امتناع ائتدی.
ایلگیلی‌لی خبرلر
بمت اوکراینادا آرتان هوجوم‌لارلا باغلی خبردارلیق ائدیب
بمت تهلوکه‌سیزلیک شوراسیندا اوکراینا‌داکی اینسانی وضعیتله باغلی حادثه‌لر موذاکیره ائدیلیب.
