مرکل: اینگیلتره نین اورتاق بازارا گیریش شرط‌لری بل‌لی‌دیر
اینگیلتره باش ناظیری ترسا می، اوّلکی گون ائتدیگی آچیقلامادا، آوروپا بیرلیگی‌نین آیریلدیق‌لارینی وورغولایا‌راق،"هم آیریلیب هم ده بیر پارچا عضو قالاق دئیه بیلمریک" دئمیشدی
اینگیلتره‌نین آوروپا بیرلیگین‌دن آیریلما پروسه‌سی آغیر می یوخسا مولاییم می اولا‌جاق؟
دونیا بو پروبلمین جوابینا کیلیدلندی.
اینگیلتره‌نین آوروپا بیرلیگی وطنداش‌لاری‌نین یئرلشمه و ایش آزادلیق‌لارینا مقاومت گؤسترمه‌سی، آیریلیغین آغیر اولاجاغی یولون‌داکی اؤنگؤروگو گوجلندیریر.
آلمانیا باش ناظیری مرکل، اینگیلتره‌نین آزادلیق‌لار موضوعسونو قبول ائتممه‌سی حالیندا، آوروپا بیرلیگی‌نین بو اؤلکه‌نین اورتاق بازارا گیریشینی محدودلاما موضوعسونو آرتیق دوشونمه‌سی لازیم اولدوغونو سؤیله‌دی.
مرکل، کؤلن شهرینده ائتدیگی دانیشمادا،
"Brexit مذاکیره‌لرینه کیمسه یالنیز ان سئودیگیم یئرلری آلاجاغام شکلینده یاخین‌لاشا بیلمز. اورتاق بازارا گیریشین شرط‌لری بل‌لی‌دیر، 4 اؤزگورلوک قبول ائدیلمه‌لی‌دیر" دئدی.
اینگیلتره باش ناظیری ترسا می، اوّلکی گون ائتدیگی آچیقلامادا، آوروپا بیرلیگی‌نین آیریلدیق‌لارینی وورغولایا‌راق،
"هم آیریلیب هم ده بیر پارچا عضو قالاق دئیه بیلمریک" دئمیشدی.
بو سؤزلرین "لندن آغیر بیر آیریلما پروسه‌سی نظرده توتور" شکلینده آچیقلاما اولونماسی اوزرینه، اینگیلیس ایسترلینی هم دو‌لار، هم ده یورو قارشی‌سیندا دگر ایتیرمیشدی.
اینگیلتره باش ناظیری می، داها سونرا سؤزلرینی، "آغیر بیر آیریلما قاچیلماز دئمک دوغرو دئییل" شکلینده دوزلتمیشدی.
ایلگیلی‌لی خبرلر
روسیه خارکوف ویلایتینده راکت هوجومو حیاتا کئچیریب
روسیه‌نین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب
