آمریکا اوسامه بن لادن‌ین اوغلو همزه بن لادنی قلوبال تروریست‌لر لیسته‌‌سینه آلدی
بن لادن‌ین مال وارلیغی‌نین بلوکا ائدیلدیگی ایفاده ائدیلن آچیقلامادا، آمریکا وطنداش‌لاری‌نین دا بو آداملا ایش ائتمه‌سی‌نین قاداغان ائدیلدیگی قید ائدیلدی
آمریکا، ترور تشکیلاتی القاعده‌نین 2011-جی ایلده پاکیستاندا اؤلدورولن لیدری اوسامه بن لادن‌ین اوغلو همزه بن لادنی قلوبال تروریست‌لر لیسته‌‌سینه آلیندی.
آمریکا خاریجی ایشلر ناظیرلیگین‌دن ائدیلن آچیقلامادا، همزه بن لادن‌ین آمریکانین میلی امنیتی، خاریجی سیاستی و ایقتیصادینا تهدید میدانا گتیردیگی اوچون بو لیسته‌یه آلیندیغی بیلدیریلدی.
بن لادن‌ین مال وارلیغی‌نین بلوکا ائدیلدیگی ایفاده ائدیلن آچیقلامادا، آمریکا وطنداش‌لاری‌نین دا بو آداملا ایش ائتمه‌سی‌نین قاداغان ائدیلدیگی قید ائدیلدی.
آچیقلامادا، آوقوست 2015-جی ایله القاعده لیدرلرین‌دن ایمن الظواهری‌نین همزه بن لادنی تشکیلاتین اوست سویه شخصیت‌لرین‌دن بیری اولا‌راق تانیتدیغینی ایفاده ائدیلدی.
اوسامه بن لادن و خیریاه سبارین اوغلو اولان همزه، آناسی و آتاسی‌نین 2011-جی ایلده پاکیستاندا اله کئچیریلدیگی سیرادا ائوده تاپیلمیردی.
اوسامه بن لادن‌ین اؤلومونون آردین‌دان القاعده‌نین لیدرلیگینه ایمن الظواهری کئچمیشدی.
اورتا شرق سیاستی اوزرینه متخصص اولان پروفسور فوضی کرکس، آوقوست آییندا همزه بن لادنی "القاعده‌نین یئنی اوزو - کاریزماتیک و تشکیلات ایچینده مشهور" دئیه تانینمیشدیر:
"آتاسی‌نین ان سئودیگی اوغلو اویدو - هر کس آتاسی‌نین یئرینه اونون کئچه‌بیلجگینی دوشونوردو."
القاعده‌نین 2015-جی ایلده یایینلادیغی سس قیدینده همزه‌نین کابل، بغداد و غزه‌دکی تعقیبچی‌لرینی واشینگتون، لندن، پاریس و تل آویوده سالدیری‌لار تنزیملمه‌یه چاغیردیغی ائشیدیلیردی.
