فتو کلینتونون کامپانیاسینا میلیونلارلا دولار یاردیم ائدیب
روبرت آمستردام فتح الله گولن-ین امریکادا پرزیدنت سئچکی‌لری یاریشیندا اودوزان دئموکرات‌لارین نامیزدی هیلاری کلینتونون کامپانیاسینا میلیونلارلا دولار یاردیم ائتدیگینی سؤیله‌دی.
اولوسلار آراسی غیری –قانونی فعالیت‌لری حقوق باخیمیندان آراشدیران مرکزی لندن-ده یئرلشن " Amsterdam & Partners " حقوق شیرکتیندن روبرت آمستردام فتح الله گولن-ین امریکادا پرزیدنت سئچکی‌لری یاریشیندا اودوزان دئموکرات‌لارین نامیزدی هیلاری کلینتونون کامپانیاسینا میلیونلارلا دولار یاردیم ائتدیگینی سؤیله‌دی.
فتو ایله علاقه‌لی اؤلکه خاریجینده‌کی محکمه‌لرده تورکیه‌نی تمثیل ائدن روبرت آمستردام بیلدیردی کی، دئموکرات‌لار سیستم‌لری‌نین روسلار طرفیندن هکرلرندیگینه دایر دانیشا‌جاق‌لارینا اصلینده گولن-ایله علاقه‌لی دانیشسین‌لار. هیلاری کلینتونا یاردیم ائتمک ایسته‌ین گولن باشقان آدایی‌نین کامپانیاسینا میلیونلارلا دولار یاتیریب.
گولن حرکاتی‌نین آمریکانین پنسیلوانیا ایالتینده کی بیر ملادان داها باشقا ایشلر گؤردوگونو وورغولایان آمستردام قئید ائتدی کی، بو، میلیاردلارلا دو‌لارلیق، چوخ جهت‌لی بیر سوچ شبکه‌سی و عینی زاماندا دونیانین دوزنی اوچون ده گئرچک بیر تهدیددیر.
روسیانین آنکارا‌داکی ائلچیسی آندری کارلوف-ا قارشی سوء-قصدین ده اطرافی شکیلده آراشدیرماسینین واجیب‌لیگینه توخونان وکیل اونو دا بیلدیردی کی، لائیک بیر پولیس مامورونون حلب- ایله علاقه‌لی آچیقلاما وئرمه‌سی‌نین، ایزله‌ین هر کس اوچون آسان جاواب‌لارین قبول ائدیلمه‌مه‌سی، حادثه‌نین داها دریندن آراشدیریلماسی اوچون بیر خبردارلیق اولدوغونو دوشونورم. بو حادثه روسیا و تورکیه‌نی داها دا یاخین‌لاش‌دیرا‌جاق. ایکی لیدئرین ده بونون تخریبات اولدوغونو چوخ یاخشی باشا دوشدوگونو گؤرورم و بو تخریباتچیلیغا وئریله بیله‌جک ان یاخشی جاواب ایسه نورماللاشماغی داوام ائتدیرمک‌دیر.
