آمریکا آرتیق باشقا رژیملری دوشورمهیهجک
"حاقیندا هئچ بیر شئی بیلمهدیگیمیز خاریجی رژیملری دئویرمک یاریشینا سون وئریب ترورو، داعشی مغلوب ائتمهیه اوداقلانمامیز گرک"
آمریکا باشقانلیغینا سئچیلن دونالد ترامپ، یئنی یؤنهتیمین خاریجی اؤلکهلردکی ییخیجی دیش مداخیله سیاستلرینه سون وئرهرک ترورلا مباریزهیه متمرکز اولاجاغینی سؤیلهدی.
وظیفهسینه 20 ژانویه 2017ده باشلایاجاق ترامپ، 8 نوامبرداکی سئچیملردن قالیب آیریلدیغی ایالتلره تشکیل ائتدیگی "تشکر گزیسی" چرچیوهسینده قوزئی کارولینادا دانیشدی.
ساوونما باخانلیغینا امکلی ژنرال جیمز متیسی نامیزد گؤستردیگینی آچیقلایان ترامپ، یئنی رهبرلیگین حربی و خاریجی سیاستینه باغلی آچیقلامالار وئردی.
آمریکانین خاریجی اؤلکهلردکی چاتیشمالارا مداخیله ائتمک یئرینه ترورلا مباریزهیه اوداقلانماسی لازیم اولدوغونو وورغولایان ترامپ، بونلاری قید ائتدی:
"حاقیندا هئچ بیر شئی بیلمهدیگیمیز خاریجی رژیملری دئویرمک یاریشینا سون وئریب ترورو، داعشی مغلوب ائتمهیه اوداقلانمامیز گرک. بو آماجلاری پایلاشان هر اؤلکه آمریکانین اورتاغی ساییلاجاق. اسکی دوستلوقلاریمیزی گوجلندیریب یئنی دوستلوقلار قورماق ایستهییریک. تاریخدن آلدیغیمیز درسله ثابتلیک تامین ائتمک ایستهییریک. آرتیق بو ییخیجی خاریجی مداخیله سیاستلرینه و خائوسا سون وئریلمهلی. "