آمریکا: تورکیهنین داعشله باغلی قایغیلارینی آنلاییریق
پیتر کوک، "تورکیهنین، داعشین یؤنلددیگی تهدیدلردن اؤتری دویدوغو امنیت قایغیلاری قانونیدیر و بیز ده تورکیه ایله بو موضوعدا یاخین بیر شکیلده ایشه داوام ائدیریک"، دئدی
آمریکادان "تورکیهنین داعشله باغلی قایغیلارینی آنلاییریق" آچیقلاماسی گلدی.
آمریکا ساوونما ناظیرلیگی (پنتاگون) سؤزچوسو پیتر کوک،
"تورکیهنین، داعشین یؤنلددیگی تهدیدلردن اؤتری دویدوغو امنیت قایغیلاری قانونیدیر و بیز ده تورکیه ایله بو موضوعدا یاخین بیر شکیلده ایشه داوام ائدیریک"، دئدی.
سؤزچو کوک، پنتاگونداکی گوندهلیک مطبوعات کونفرانسیندا مونبیجدکی سون وضعیت و تورکیهنین بؤلگه ایله باغلی آددیملارینا باغلی قیمتلندیرمه ائتدی.
تورکیهنین ترور تشکیلاتی داعشله باغلی قایغیلارینی آنلادیقلارینی و ترور تشکیلاتی پ.ک.ک-نین سوریهدکی داوامی اولان پ.ی.د-نین سیلاحلی قولو ی.پ.گ موضوعسوندا آنکارا ایله داواملی ایرتیباط حالیندا اولدوقلارینی ایفاده ائدن کوک، سوریهنین قوزئیینی نظرده توتاراق،
"بؤلگهده بعضی گرگینلیکلر وار و بونلاری آنلاییریق. تورکیهنین دیله گتیردیگی ناراحاتلیقلاری دا آنلاییریق." دئدی.
"حال-حاضیردا مونبیجده ی.پ.گ تروریستی وار می؟" سوالینی جوابلایان کوک،
"ی.پ.گ-نین لیدر هیاتی فیراتین شرقینه داها اوّل کئچمیش ایدی. بو آن مونبیجده بؤلگهنی داعش تهدیدیندن قورویان یئرلی گوجلر وار." دئیه دانیشدی.
"یئرلی عنصورلار" اولاراق ایفاده ائدیلنلر آراسیندا ی.پ.گ عضولرینین اولوب اولمادیغینین سوروشولماسی اوزرینه کوک،
"مونبیجدکی هر بیر اینسانین وضعیتینی و هارادان گلدیگینی یوزده 100 قطعیلیکده دئیه بیلمرم." دئیه بیلدیرمیشدیر.
پتر کوک، داعش تهدیدینه قارشی تورکیهنین آتدیغی آددیملارا باغلی قیمتلندیرمهسینده ایسه،
"تورکیهنین، داعشین یؤنلددیگی تهدیدلردن اؤتورو دویدوغو امنیت قایغیلاری قانونیدیر و بیز ده تورکیه ایله بو موضوعدا یاخین بیر شکیلده ایشه داوام ائدیریک." آچیقلاماسینی ائتدی.
ی.پ.گ، واشینگتونون دستکلدیگی سوریه دموکراتیک گوجلرینین اهمیتلی بیر بؤلومونو تشکیل ائدیر.
تورک هاوا گوجلرینه عایید ساواش اوچاقلاری سون اولاراق سوریهنین الباب بؤلگهسینده 17 داعش هدفی ایله پ.ک.ک / پ.ی.د عضولرینین اولدوغو ایلانلی و کورتویران بؤلگهلرینه ده هاوا حرکاتی تشکیل و 4 هدف تام دقیقلیکله وورولموشدو.
ایلگیلیلی خبرلر
بمت اوکراینادا آرتان هوجوملارلا باغلی خبردارلیق ائدیب
بمت تهلوکهسیزلیک شوراسیندا اوکرایناداکی اینسانی وضعیتله باغلی حادثهلر موذاکیره ائدیلیب.