استفان سیبرت: حلبده یاشایان اینسانلارین وضعیتینین پیسلشمهسینین مسئولو سوریه، روسیا و ایران
سیبرت،"روسیانی اسد حکومتی اوزریندکی تأثیرینی ایستیفاده ائتمه مسئولیتینده گؤروروک دئدی
آلمان حکومت سؤزچوسو استفان سیبرت، حلب شهرینده یاشایان اینسانلارین وضعیتینین پیسلشمهسینه سوریه حکومتینین یانیندا روسیا و ایرانین دا مسئول اولدوغونو سؤیلهدی.
سیبرت، برلینده تشکیل ائدیلن مطبوعات کونفرانسیندا، حلبدکی گلیشمهلره باغلی،
"حکومت آدینا حلبده یاشانان وخامتدن سؤز ائتمم لازیمدیر. ییخیلمیش خستهخانالارلا، ییحینتیلارین آراسیندان چیخاردیلان اوشاقلارین دؤزولمز گؤرونتولری یاییلیر. خالقین یاشادیغی بو آجی و سفالت قدردن قایناقلانمیر. بونو یارادان گوجلر وار: اسد حکومتی و اونون دستکچیلری." دئدی.
شهردکی خستهخانالارین بومبالاناراق، اینسانلارین آجلیغا و خستهلیکلره ترک ائدیلدیگینی ایفاده ائدن سیبرت،
"حلبدکی طیبی باخیم آز قالا تامامیله چؤکموش وضعیتده. بیر چوخ اوشاغین حیاتینی ایتیرمیش اولماسی دا قبول ائدیله بیلمز و دایانیلاماز بیر وضعیت. روس سیلاحلی گوجلرینین دستگی ایله مخالیفلرین کونترولو آلتیندا اولان حلبه شرقینین بومبالانماسی و بیر قارا عملیاتی حاضیرلیغییلا عاجیل اولاراق لازیملی اولان سیاسی سورهجه دؤنمه و آتشکس تامین ائدیلمهسی تلاشلاری اوغورسوز قالیر. " دئیه دانیشدی.
آلمان حکومتینین، سوریه حکومتینین هفته سونوندا یئنی بیر آتشکس تکلیفینی گئری چئویرمهسینی ده کدرله قارشیلادیغینی یازان سیبرت،
"روسیانی اسد حکومتی اوزریندکی تأثیرینی ایستیفاده ائتمه مسئولیتینده گؤروروک. روسیا و ایرانین، پروبلمی یالنیز نیظامی یوللاردان حل ائتمک ایستهین سوریه رژیمینی دستکلمهلری، سوریه خالقینین وضعیتینین دراماتیک بیر شکیلده پیسلشمهسینه سبب اولدو. و خالقین یئنیدن بئله بیر سفالته معروض قالماسیندان اؤتری روسیا مسئولیت اوستلنملی . " دئدی.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.