ترامپ کابینهسینده آتاتورک حیرانی
آتاتورکه حیرانلیغییلا تانینان نوت گینگریچین آدی دا خاریجی ایشلر باخانلیغی اوچون گئچیر
آمریکانین 45.جی باشقانی سئچیلن دونالد ترومپون کابینئتینده نئجه فورمالاشدیران ماراق مؤوضوسو.
آبش مرکزلی ان.بی.سی نیوز، ترامپین کابینهسینده اؤنه چیخابیلهجک آدلاری اله آلدی.
بونا گؤره نیویورک اسکی بلدیه باشقانی رودی جولیانینین آدی عدالت باخانلیغی، آتاتورکه حیرانلیغییلا تانینان نوت گینگریچین آدی دا خاریجی ایشلر باخانلیغی اوچون گئچیر.
نمایندهلر مجلیسی باشقانی اولاراق دا خیدمت وئرمیش اولان گینگریچ، آتاتورکون دوغومون 125.جی ایلینده دانیشمالاریندا مصطفی کمال حیرانی اولدوغونو، اونو اؤزونه اؤرنک آلدیغینی ایفاده ائتمیشدی.
آمریکا مرکزلی "ده نیویورکر" درگیسی، گینگریچین آتاتورک حیرانلیغینی درلهدیگی یازیسیندا، اولو اؤندردن، "یالنیز حکومتی دئییل، خالقی دا مودرنیزه ائتدی" سؤزلریله بحث ائدرکن، یئنی نسلین معماری ساواش قهرمانی ایفادهلرینی قوللاندی.
ترامپین ایچ ایشلری باخانی اولاراق دوشوندوگو شخصیتین ده نفت محصوللاری شیرکتی لوکاس اویل قوروجولاریندان فوررست لوکاس اولدوغو ادعا ائدیلیر.
مالیه باخانلیغی اوچون ده آمریکالی یاتیریم بانکی گولدمن ساکسدان 40 میلیون دلارلیق ثروت توپلایان استون منوچینین آدی گئچیر.
سناتور جف سشنزین ده ساوونما باخانی اولاراق دوشونولدوگو ادعا ائدیلیر.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی