ترامپ-دان گئری آددیم

آمریکادا آرتیق گوزلر یئنی باشقان دونالد ترامپ-ین بعضی ساحه‌لرده کؤک‌لو اصلاحات‌لار گرکدیرن بوتون وعده لرینی یئرینه یئتیریب یئتیرمه‌دیگی مسئله‌سینده دیر.

ایسلام فوبی ایله علاقه‌لی آچیقلاما‌لاری ایله اعتراضلارا سبب اولان ترامپ-ین ایلک ایشی ایسه "آغ ائوه گئتدیگی زامان ایش دییشیر" یورومو ایله سؤزون اصل معناسی ایله دوغرولادی.  

ترامپ-ین  "https://www.donaldjtrump.com " آدرسینده کی سایتیندا 2015-جی ایلین 7 دسامبر  تاریخینده ائتدیگی و "مسلمان‌لارین امریکایا گیرمه‌سی‌نین قاداغان ائدیلمه‌سی‌نین واجیب‌لیگینی" دیله گتیردیگی آچیقلاماسی آرتیق یوخ‌دور.

بو آچیقلامانین یئر آلدیغی لینکه تیکلایان ایستیفادچی‌لر باشقا بیر صحیفه‌یه یونلددیریلیر. همین صحیفه‌ده ایسه ترامپ-ین کامپانیاسینا نئجه باغیش وئریله‌جگینه دایر معلومات‌لار یئر آلیر.

اینگیلیس ایندپندنت قزئتی‌نین خبرینه اساساً، ترامپ-ین :مسلمان‌لارا گیریش قاداغاسی" آچیقلاماسینین یئر آلدیغی صحیفه باشقانلیک سئچکی لرینین کئچیریلدیگی 8 نوامبر گونو آچیلیردی.

همین صحیفه‌یه گیرمک ایسته‌ین ایستیفادچی‌لرین آرتیق یونلندیریلدیگی " باغیش صحیفه‌سی" ایسه 8 نوامبر گئجه‌سی سایت-ا علاوه اولوندو.

ترامپ کامپانیاسی مودتینده بیر نئچه دفعه مسلمان‌لاری هدف آلان آچیقلاما‌لار وئرمیشدی.

فرانسانین پایتاختی پاریس-ده 2015-جی ایلین نوامبر آییندا توره دیلن سالدیریلاردان سونرا مسلمان‌لارین آمریکایا بوراخیلماماسینین واجیبلیگینی سؤیله‌یه‌رک بؤیوک اعتراضلارا سبب اولموش آنجاق داها سونرا بو سؤزلری‌نین یالنیز اونری اولدوغونو ایفاده ائده‌رک گئری آددیم آتان ترامپ، داها سونرا ایسه آمریکاداکی مسلمان‌لارین ترورلا موباریزه چرچیوسینده ایزله‌نیلمه‌سینین جیددی شکیلده  دوشونمه‌لرینین لازیم اولدوغونو سؤیله‌میشدی.

ترامپ،اؤلکه‌دکی بعضی مسجیدلری ده باغلایا‌بیله‌جگینی بیر چوخ دفعه ایفاده ائتمیشدی.

بو آچیقلامالار سببیله آمریکانین ان بؤیوک مسلمان سیویل حاقلار تشکیلاتی اولان آمریکان ایسلام علاقه‌لری شوراسین‌دان دونن ترامپ-ین قازانماسیندان سونرا وئریلن آچیقلامالاردا، "یئنی باشقانین مسلمان‌لار داخیل بوتون آمریکا‌لی‌لارین حقوق‌لارینا حؤرمت گؤسترمه‌سی ایستندی.