مارک تونر: باشقانلیغی دئور ائدهجکلری گونه قدر خاریجی سیاسته عینی شکیلده داوام ائدجگیک
دونالد ترامپین آمریکانین 45ینجی باشقانی سئچیلمهسینین آردیندان خاریجی ایشلر ناظیرلیگی سؤزچوسو مارک تونر، مطبوعات کونفرانسی تشکیل ائتدی
آمریکا خاریجی ایشلر ناظیرلیگی ایسپیکری مارک تونر، باشقانلیغی دئور ائدهجکلری گونه قدر خاریجی سیاستینین عینی شکیلده داوام ائدجگینی ایفاده ائتدی.
دونالد ترامپین آمریکانین 45ینجی باشقانی سئچیلمهسینین آردیندان خاریجی ایشلر ناظیرلیگی سؤزچوسو مارک تونر، مطبوعات کونفرانسی تشکیل ائتدی.
سئچیمنین آمریکان خاریجی سیاستینه باغلی عکس اولونمالارینی قیمتلندیرن تونر؛
"بو مدت ایچریسینده آیاغیمیزی قاز پئدالیندان چکمیهجگیک." ایفادهسینی ایستیفاده ائتدی.
تونر، سئچیم سونراسی کئچید مدتی ایچریسینده ایکی نقطهیه دقت ائدهجکلرینی ایفاده ائتدی.
ایسپیکر، بو نقطهلردن ایلکی اولاراق، قالان مدت ایچریسینده اؤز خاریجی سیاست اؤنجهلیکلرینی داوام ائتدیرهجکلرینی ایفاده ائتدی.
ایکینجی اهمیتلی نقطه اولاراق ایسه، اؤلکهنین میللی امنیتینین گؤز اؤنونده توتاجاغینی ایفاده ائدن تونر؛
"کئچید پروسسینی ان اویغون شکیلده حیاتا کئچیرمک اوچون حکومتی دئور آلاجاق حکومتله یاخین بیر علاقه ایچینده اولاجاغیق." دئدی.
یئنی قورولاجاق حکومتله ضد سیاستی حاقیندا سوروشولان بیر سوال اوزرینه مارک تونر، بونون کئچید پروسسینین بیر پاچاسی اولدوغونو ایفاده ائدهرک؛
"اونلارلا بیرلیکده چالیشاجاغیق. الیمیزدن گلدیگی قدر اونلارین ماراغینی چکهجک بوتون موضوعلاردا بیلگیلندیرمهلر ائدهجگیک." دئدی.