ژنرال مایکل فیلین: آمریکا تورکیه ایله خاریجی سیاست‌لرینی یئنی‌دن دوزنلمه‌لی
مایکل فیلین، سیاسی آنالیز سایتی د هیل اوچون "موتتفیقیمیز تورکیه بیر بحرانین ایچینده و دستگیمیزه احتیاجی وار" باش‌لیق‌لی بیر یازی قلمه آلدی
آمریکا باشقان‌لیغینا سئچیلن دونالد ترامپ‌ین، امنیت و کشفیات باشدانیشمانی تقاودچو ژنرال مایکل فیلین، تورکیه‌نی بیر اؤنجه‌‌لیک اولا‌راق قبول ائده‌جک شکیلده خاریجی سیاست‌لرینی یئنی‌دن دوزنلمه‌لری لازیم اولدوغونو ایفاده ائتدی.
ترامپ‌ین قوراجاغی کابینه‌ده، آدی ساوونما ناظیرلیگی اوچون کئچن مایکل فیلین، سیاسی آنالیز سایتی د هیل اوچون "موتتفیقیمیز تورکیه بیر بحرانین ایچینده و دستگیمیزه احتیاجی وار" باش‌لیق‌لی بیر یازی قلمه آلدی.
فیلین یازی‌سیندا، آمریکانین یئنی دؤور خاریجی سیاستینده تورکیه‌نی اؤن پلانا قویماسی لازیم اولدوغونو ایفاده ائتدی.
"اوّلجه تورکیه‌نین، آمریکا ماراق‌لاری باخیمین‌دان حیاتی بیر اؤلکه اولدوغونو آنلاماقلا ایشه باشلامالیییق." قیمتلندیرمه‌سینده اولان فیلین، تورکیه‌نین عراق و سوریه‌ده ترور تشکیلاتی داعش ایله موباریزه‌دکی ان گوجلو موتتفیق‌لری و عینی زاماندا بؤلگه‌دکی ثابت‌لیک قایناغی اولدوغونو ایفاده ائتدی.
فیلین همچینین، آمریکانین فتح الله‌چی ترور تشکیلاتی پارالل دولت یاپیلانماسی (فتو / پ.د.ی)'نین چته باشینا سیغینا‌جاق اولماماسی لازیم اولدوغونا دا ایشاره ائتدی.
"تورکیه‌نین دونیاگؤروشویله واشینگتون، تورکیه‌نین اوسامه بن لادین‌ینه سیغینا‌جاق اولور." دئین فیلین؛
"11 سپتامبردان سونرا اوسامه بن لادن‌ین تورکیه‌ده گؤزل بیر کندده یاشادیغینی و عینی آندا دا تورک وئرگی اؤدییجی‌لری‌نین وئرگیلریله مالیه‌لشن 160 مکتبی ایشلتدیگینی اؤغرنسئیدیک نه ائدردیک؟" آچیقلاماسینی ائتدی.
یئنی حکومتین فتو چته باشی موضوعسوندا اوباما دؤورون‌دن فرق‌لی بیر یول ایزله‌یه بیله‌جگی احتیمالینا دقتی چکن مایکل فیلین، فتو چته‌باشی‌نین اؤزونو مولاییم اولا‌راق گؤستردیگینی آنجاق اصل اوزونون گؤرونن‌دن فرق‌لی اولدوغونو ایفاده ائتدی.
داها اوّل آمریکادا یاشایان تورک‌لرله ده بیر آرایا گلن فیلین، 15 ژوئیه کودتا گیریشیمینه باغلی اولا‌راق، "تورک خالقی مدنی، اقتصادی و اجتماعی باخیم‌دان چوخ گوجلو. تورکیه اقتصادی اولا‌راق دا محکم. عکس حالدا کودتا سیناغین‌دان سونرا ایستیکرارسیزلاشیردی." دئمیشدی.
