اردوغان، ترامپین پرزیدنت سئچیلمهسیله یئنی بیر دؤورون باشلاماقدا اولدوغونو
اردوغان؛"من، شخصیم و میلتیم آدیندان آمریکا خالقینین بو سئچیمینی خیره یورماق و باشاریلارلا دولو بیر گلهجک آرزو ائدیرم." ایفادهلرینی ایستیفاده ائتدی
تورکیه پرزیدنتی رجب طیب اردوغان، آمریکا جمهوریتچی نامیزد دونالد ترامپین پرزیدنت سئچیلمهسیله یئنی بیر دؤورون باشلاماقدا اولدوغونو سؤیلهدی.
ایستانبولدا موسیاد اکسپو سرگیسینین آچیلیشیندا گوندمدکی گلیشمهلرله باغلی دانیشان اردوغان؛
"اومید ائدیرم کی، آمریکا خالقینین بو سئچیمی دونیایا گرک اساس حاق و اؤزگورلوکلر نقطهسینده گرک دموکراسی نقطهسینده ایسترسه بؤلگهمیزدکی گلیشمهلر نقطهسینده خیرلی آددیملارین آتیلماسینا سبب اولور" دئدی.
اردوغان؛
"من، شخصیم و میلتیم آدیندان آمریکا خالقینین بو سئچیمینی خیره یورماق و باشاریلارلا دولو بیر گلهجک آرزو ائدیرم." ایفادهلرینی ایستیفاده ائتدی.
باش ناظیر بینالی ییلدیریم دا، دونالد ترامپی تبریک ائتدی.
ییلدیریم، ترامپا، 15 ژوئیهده کودتا تلاشیندا اولان فتح اللهچی ترور تشکیلاتی (فتو) کاپیتان فتح الله گولهنین قایتاریلماسی اوچون چاغری ائتدی.
باشکند آنکارادا ژاندارما و ساحیل امنیت آکادمیسی 2016-2017 اؤغرتیم ایلی آچیلیش مراسیمینده دانیشان باش ناظیر؛
"گولن اعاده ائدیلسه، علاقهلرده یئنی صحیفه آچیلیر" دئدی.
عدالت ناظیری بکیر بوزداغ ایسه، آمریکا خالقی کیمی سئچسه تورکیهنین اونونلا چالیشاجاغینی سؤیلهدی.
عدالت ناظیر، باشکند آنکارادا، بیر سوال اوزرینه، آمریکا پرزیدنتینین دییشمهسینین ایکیشکیلره بیر دگیشیکلی گتیرمیهجگینی وورغولاییب.
"قزئت باشلیغییلا، آنکتلرله، تلویزیونلارلا سئچیم قازانان کیمسه یوخ" دئین بوزداغ؛
"نتیجهده رایی خالق وئریر. منیم گؤردوگوم سئچیم ایستراتژیسی اولاراق آمریکا خالقی اؤز ایرادهسینین یؤنلندیریلمهسینه 'خیر دئدی" دئیه دانیشدی.
خاریجی ایشلر ناظیری مولوت چاووش اوغلو دا توویتر حسابی اوزریندن پایلاشدیغی مساژیندا، ترامپین تبریک ائتدی.
چاووشوغلو مساژیندا؛
"آمریکا ایله گوونه سؤیکنن ایستراتژی علاقهلریمیزی گوجلندیرمه آرزوسونداییز." ایفادهلرینه یئر وئردی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی