آمریکانین 45ینجی باشقانی دونالد ترامپ اولدو
جمهوریتچی‌لرین نامیزدی ترامپ، فلوریدا، اوهایو، قوزئی کارولینا، آیووا و پنسیلوانیا کیمی کیلید ایالتلری ده قازاناراق، نماینده سایسینی 289ه یوکسلددی
آمریکانین 45ینجی باشقانی دونالد ترامپ اولدو.
جمهوریتچی‌لرین نامیزدی ترامپ، فلوریدا، اوهایو، قوزئیی کارولینا، آیووا و پنسیلوانیا کیمی کیلید ایالتلری ده قازاناراق، نماینده سایسینی 289ه یوکسلددی.
کالیفورنیا و نوادا ایالت‌لرینی قازانان دموکرات‌لارین نامیزدی هیلاری کلینتونون ایسه نماینده ساییسی ایسه 218ده قالدی.
جمهوریتچی‌لر، سناتو و نماینده‌لر مجلیسینده ده اوستونلوک تامین ائتدی.
بو آنا قدر آچیلان صاندیق نتیجه‌لرینه گؤره، جمهوریتچی‌لر 205، دموکرات‌لار ایسه 138 وکیلی نماینده‌لر مجلیسینه گؤندرمه‌یه حاق قازاندی.
سناتودا ایسه جمهوریتچی‌لرین 52، دموکرات‌لارین دا 48 عضو ایله یئر آلماسی گؤزلنیلیر.
ترامپ‌ین سئچیمی قازانماسی‌نین آردین‌دان رآکسیالار دا گلمه‌یه باشلادی.
روسیا دولت باشقانی ولادیمیر پوتین، آمریکا پرزیدنتی سئچیلن دونالد ترامپا تبریک مساژی گؤندردی.
کرملین رسمی اینترنت سایتیندا یایینلانان تبریک مساژیندا پوتین، روسیا- آمریکا علاقه‌لری‌نین بحران‌دان چیخاریلماسی، اولوسلار آراسی گوندم‌دکی مسئله‌لرین حلّی و قلوبال امنیت تهدیدلرینه جواب آختاریلماسی موضوعلاریندا بیرلیکده ایشی اومید ائتدیگینی ایفاده ائتدی.
پوتین، موسکوا و واشینگتون آراسیندا برابرلیک، قارشی‌لیق‌لی حؤرمت و بیر-بیری‌نین موقعیتینی گؤز قارشی‌سیندا ساخلاما پرینسیپ‌لرینه اساس‌لانان مثبت بیر دیالوق یارادیلماسی‌نین ایکی اؤلکه خالقی و بوتون دونیانین ماراق‌لارینا جواب وئرجگینه وورغو ائتدی.
روسیا لیدری پوتین، آمریکا پرزیدنتی سئچیلن ترامپا یئنی وظیفه‌سینده اوغورلار دیله‌دی.
روسیا یاتیریم فوندو باشقانی کیریل دمیتریئو ایسه ترامپ‌ین باشقانلیغی‌نین ژئوپولیتیک گرگین‌لیک‌لری آزالداجاغینی ایفاده ائتدی.
آلمانیا ساوونما ناظیری وون در لین ایسه؛
"آمریکا سئچیمی بؤیوک بیر شوک اولدو، ترامپ، سئچیجی‌نین اؤزونه دئییل، وار اولان نیظاما قارشی سس ایستیفاده ائتدیگی‌نین فرقینده" دئدی.
فرانسادا آشیری ساغچی اولوسلا جبهه‌نی لیدری مارین لو پن ایسه ترامپ‌ین ایلک قوتلایان‌لار آراسیندا.
فرانسانین آمریکا سفیری آرود ایسه
"بو سئچکی‌لردن سونرا آرتیق هر شئی مومکون‌دور. گؤزلریمیزین قارشی‌سیندا بیر دونیا ییخیلیر" دئدی.
آوروپا بیرلیگی شوراسی‌نین صدری دونالد توسک و آوروپا بیرلیگی کومیسیونو باشقانی ژان-کلود یونکر، ترامپ‌ی تبریک ائده‌رک، آمریکا- آوروپا بیرلیگی ذیروه‌سی‌نین ان قیسا مدتده توپلانماسینی ایسته‌دی‌لر
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
