سورغو سونوجلاری نه دئییر؟
سئچیجینین ان اؤنملی سس وئرمهمه سببی، نامیزدلری بگهنمهمهسی
![سورغو سونوجلاری نه دئییر؟](http://cdn.trt.net.tr/images/xlarge/rectangle/083e/c5d5/adfd/5817090b22aa2.jpg?time=1718426401)
آمریکادا 8 نوامبردا گئچیریلهجک باشقانلیق سئچیمینه یاخینلاشیرکن، سورغولارین اورتالامالارینا گؤره، هیلاری کلینتون رقیبی دونالد ترامپ قارشیسیندا تکرار قاباقدا.
آراشدیرما شیرکتلری و مئدیا قورولوشلاری، دموکرات پارتی نامیزدی هیلاری کلینتون ایله جمهوریتچی پارتی نامیزدی دونالد ترامپ آراسیندا کیمین اوداجاغینا دایر چوخ ساییدا آنکت آچیقلاییر.
سون بیر نئچه گون ایچینده اولوسال سویهده ائدیلن بئش آنکتین اورتالاماسینی آلان سیانان آراشدیرماسینا گؤره، ایکی نامیزدین یاریشیندا کلینتون، یوزده 46یا یوزده 42 قاباقدا گئدیر.
آنکتلرین چوخو، گئچن آیین سون اوچ گونو ایله 1 نوامبردا ائدیلرکن، ان آز مین نفره تلفنلا کیمه سس وئرهجکلری سوروشولدو.
سئچیمده تخمینا 230 میلیون سئچیجیدن 150 میلیونونون سس وئرمهسی گؤزلنیلیر.
ارکن سس وئرمه ایمکانی سایهسینده سئچیم گونونه قدر 40 ایله 50 میلیون نفرین اویونو اؤنجهدن وئرمیش اولاجاغی تخمین ائدیلیر.
داها اؤنجهکی سئچیملره ده قاتیلیم نیسبتینین دوشوک اولدوغو آمریکادا سئچیجینین ان اؤنملی سس وئرمهمه سببی، نامیزدلری بگهنمهمهسی.