آوروپا بیرلیگی: سوریه‌ده قصداً سیویل‌لری هدف آلان سالدیری‌لار ساواش جینایتیدیر
آوروپا بیرلیگی، سوریه‌نین حلب شهرینه اینسانی یاردیم‌لارین چاتدیریلماسی اوچون آتشکس اعلان ائدیلمه‌سینی ایستیرکن، قصداً سیویل‌لری هدف آلان سالدیری‌لارین ساواش جینایتی میدانا گتیره بیله جگینی بیلدیردی
آوروپا بیرلیگی، سوریه‌نین حلب شهرینه اینسانی یاردیم‌لارین چاتدیریلماسی اوچون آتشکس اعلان ائدیلمه‌سینی ایستیرکن، قصداً سیویل‌لری هدف آلان سالدیری‌لارین ساواش جینایتی میدانا گتیره بیله جگینی بیلدیردی.
آوروپا بیرلیگی خاریجی علاقه‌لر و امنیت سیاستی یوکسک نماینده‌سی فدریکا موگرینی و آوروپا بیرلیگی کومیسیونونون اینسانی یاردیم و بحران رهبرلیگین‌دن مسئول کومیساری کریستوس ایستیلیانیدس، "حلبه اینسانی یاردیم چاتدیریلماسی‌نین عاجیلیتینه" باغلی اورتاق یازیلی آچیقلاما یایینلادی.
آچیقلامادا، روسیا طرفین‌دن حلب‌ده اعلان ائدیلن آتشکسین سونا چاتماسی‌نین آردین‌دان، آوروپا بیرلیگی، بیرلشمیش میللت‌لر تشکیلاتی‌نین و اینسانی یاردیم تشکیلات‌لاری‌نین تلاش‌لارینا باخمایا‌راق، یارا‌لی وطنداش‌لارین آزاد ائدیلمه‌سی و خالقا یاردیم‌لارین چاتدیریلماسینی ایچه‌رن بیر راضیلیغا واریلامادیغی ایفاده ائدیلدی.
عاجیلی اینسانی یاردیما محتاج مین‌لرله اینسان اولدوغو وورغولانان آچیقلامادا، یارا‌لی وطنداش‌لارین تخلیه‌سی ایله عینی واختدا اولا‌راق اینسانی یاردیم‌لارین چاتدیریلماسینا دویولان عاجیلیتینه دقت چکیلدی.
بونون دا آنجاق اینسانی کؤمک و ساغلیق ایشچی‌لری‌نین امنیتی‌نین تامین ائدیلمه‌سی ایله مومکون اولا بیله‌جگی ایفاده ائدیلن آچیقلامادا، بو ایفاده‌لره یئر وئریلدی:
"سوریه‌لی مسئوللار و موتتفیق‌لرینه، حلب‌ده آتشکسین یئنی‌لنمه‌سی و بیرلشمیش میلتلر تشکیلاتی‌نین اوکتوبر آیین‌داکی پلانیندا اولدوغو کیمی، کؤمک تشکیلات‌لاری کونووی‌لارینا ایجازه وئرمه‌لری چاغیریشی ائدیریک. بوتون طرف‌لر، سوریه‌لی وطنداش‌لارین عاجیلی احتیاج‌لاری‌نین قارشیلانماسی اوچون اینسانی یاردیم عملیات‌لارینا ایجازه وئریلمه‌سینه موذاکیره‌سیز بیر شکیلده گئرچک بیر باغلی‌لیق گؤسترمک مجبوریتینده. بوتون سوریه‌‌لی‌لار عاجیلی یاردیما احتیاجی وار، کیم اولورلارسا اولسون‌لار، حیات قورتاریجی دستگی آلما حاق‌لاری وار. "
ساواش بوتون طرف‌لری‌نین حلب‌دکی وطنداش بؤلگه‌لری و ساغلیق تاسیس‌لرینی وورماغی سونلاندیرماسی ایستنن آچیقلامادا،
"اینسانی یاردیم و ساغلیق ایشچی‌لری ایله بیرلیکده سیویل‌لره دؤنوک قصدلی سالدیری‌لار، اولوسلار آراسی قانون‌لارین آچیق بیر شکیلده پوزولماسی‌دیر و ساواش جینایتی میدانا گتیره‌بیلر. سوریه‌‌دکی ایچ ساواشی‌نین نیظامی بیر حلّی یوخدور." ایفاده‌سی ایستیفاده ائدیلدی.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
