دونالد توسک : "روسیا آوروپا اتفاقینی ضعیف لتمک ایستییر"

آوروپا اتفاقی اؤلکه‌لری‌نین لیدرلری روسیانی سوریه‌ده‌کی سالدیری‌لارا گؤره قیناسا دا ایتالیانین اعتراضی سببین‌دن هر هانسی بیر یاپتیریم قراری وئریلمه‌دی.

آوروپا اتفاقی اؤلکه‌لری‌نین دؤولت و حکومت باشقانلارینی بلژیک-ین پایتاختی بروکسل-ده کی لیدرلر توپلانتی‌سی‌نین ایلک گون اوتوروملاری باشا چاتدی.

آوروپا اتفاقی شوراسی‌نین لیدرلر توپلانتی‌سیندا ایلک نؤوبه‌ده، سرحد گوونلیگی و آفریقا اؤلکه‌لری ایله باغ‌لانا‌جاق موقاویله‌لر اساسیندا قاچقین مسئله‌سی موذاکیره اولوندو.

آخشام یئمگینده گوندم مسئله‌سی روسیا اولدو.

لیدرلر یئمکده، آوروپا اتفاقی‌نین روسیا ایله موناسیبت‌لری و مسکوانین سوریه، اوکراینا و بالکان‌لارداکی رولو باره‌ده دانیشدی‌لار.

گؤزله‌نیلدیگی کیمی، سوریه مسئله‌سی ایله علاقه‌دار روسیانین دا قیناندیغی سونوچ بیاننامه قبول اولوندو.

بیاننامه‌ده: "موجود ظلمون داوام ائتمه‌سی ایله علاقه‌دار اولا‌راق آوروپا اتفاقی بوتون کئچه‌نکلری دیرلندیریر" ایفاده‌سیندن ایستیفاده اولونسا دا، متنده "یاپتیریم" سؤزو ایشلدیلمه‌دی.

بیاننامه‌نین ایلکین متنین‌دکی "بشار اسد ایله یاخین علاقه‌سی اولان روسیا شیرکت‌لرینه و شخص‌لره قارشی یاپتیریم تهدیدی" ایفاده‌سی سونوچ بیاننامه‌سین‌دن چیخاریلدی.

بو وضعیتین روسیا ایله یاخشی موناسیبت‌لری اولان ایتالیانین یاپتیریم‌لارا قارشی چیخماسین‌دان قایناقلاندیغی بیلدیریلیر.

آوروپا اتفاقی شوراسی‌نین صدری دونالد توسک کئچیردیگی مطبوعات کونفرانسیندا روسیانی تنقید ائده‌رک: "لیدرلر هاوا مکانی‌نین پوزولماسین‌دان سیبر سالدیری لارا قدر، آوروپا بیرلیگینده کی سیاسی پروسئس‌لره موداخیله اوته سینه اوزانان هر نوع روس دوشمانلیغینا توخوندو. بو اورنکلر روسیانین ایستراتژی‌سینین آوروپا اتفاقینی ضعیف‌لتمک اولدوغونو آچیق شکیلده گؤستریر" دئدی.

روسیایا یاپتیریم تطبیقینه قارشی چیخان ایتالیانین باش ناظری متئو رنتزی ایسه اقتصادی یاپتیریملارین روسیانی باریش  موقاویله‌سی باغلاماغا مجبور ائتمه‌یه‌جگیی فیکرینی اؤنه سوردو.

رنتزی: "سوریه‌ده‌کی باریش‌ین تامین اولونماسی اوچون هر شئیی ائتمک لازیم‌دیر، لاکین بونون روسیایا قارشی داها چوخ یاپتیریملارا علاقه لندیریلمه‌سینی خیال ائتمک چتین‌دیر"دئدی.