آوروپا دؤولت و حکومت باشقانلاری بو گون بیر آرایا گله‌جک
ذیروه‌ده سیویل لره قارشی هوجوم‌لارا گؤره روسیانین سرت شکیلده قینانماسی گؤزلنیلیر.
آوروپا شوراسی‌نین ایجلاسیندا ایلک نؤوبه‌ده، سرحد گوونلیگی و آفریکا اؤلکه‌لری ایله باغلانا‌جاق موقاویله‌لر اساسیندا قاچقین مسئله‌سی موذاکیره اولونا‌جاق.
تورکیه ایله 18 مارت-دا باغلانان موقاویله نتیجه‌سینده اژه دنیزین‌دن آوروپایا کئچن قاچقین‌لارین سایین‌داکی آزالمانی افریقادان کئچن‌لرده ده گؤرمک ایسته‌ین آوروپا اتفاقی بو ایستیقامتده یئنی راضیلاشما‌لارین الده اولونماسی اوزرینده مرکزلشه‌جک.
آخشام یئمگینده ایسه گوندم مسئله‌سی روسیا اولا‌جاق. ایجلاسین گونده‌لیک متنینه گؤره، کئچیریله‌جک "ایستراتژی موذاکیره‌لرده" آوروپانین روسیا ایله علاقه‌لری و مسکوانین سوریه، اوکراینا و بالکان‌لارداکی رولو باره‌سینده دانیشیلا‌جاق.
آوروپا شوراسی‌نین صدری دونالد توسک لیدرلره گؤندردیگی دعوت مکتوبوندا موذاکیره‌لرین مقصدی‌نین "بو اهمیت‌لی قونشو ایله اوزون مدت‌لی علاقه‌لری موذاکیره ائتمک" اولدوغونو بیلدیردی.
آوروپانین روسیایا قارشی رفتاریندا "بیرلیک" ایچینده اولمانین اهمیتینه توخونان توسک: "بو گونه قدر، فرق‌لیلیک لریمیزه رغمن، بیرلیکده حرکت ائتمه‌یی باجاردیق. سونرا دا، بو شکیلده داوام ائتدیرمه‌لییک" ایفاده‌لرینی ایشلتدی.
آوروپا منبع‌لرین‌دن الده ائدیلن معلوماتا گؤره، سوریه‌ده‌کی هوجوم‌لارینا گؤره روسیایا قارشی هر هانسی بیر یاپتیریم قراری قبول اولونمایا‌جاق.
لاکین سوریه موضوعسوندا روسیانین‌ده قینانیلاجاغی یئکون بیاننامه قبول اولونا‌جاق.
بیاننامه‌نین ایلکین متنینده: "آوروپا اتفاقی شوراسی سوریه رژیمی‌نین، موتتفیق‌لری‌نین و خصوصا ده روسیانین حلب‌ده کی سیویل لره قارشی هوجوم‌لارینی شدتله قیناییر. اونلاری (سوریا رژیمی و روسیا) مظالیمینه سون وئرمه‌یه، حلب و اؤلکه‌نین باشقا یئرلرینه اینسانی یاردیمین مانعه‌سیز اولا‌راق چاتدیریلماسینی تامین ائتمک اوچون عاجیل اولا‌راق لازیمی آددیم‌لاری آلماغا چاغیریر" ایفاده‌لرینی ایشلدیلیر.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
