یئنی زلاندان، موصولا 1 میلیون دو‌لارلیق اینسانی یاردیم اولا‌جاق
یئنی زلاند خاریجی ایشلر ناظیری موری مک کولی، موصولا گؤندریله‌جک یاردیمین عملیات‌دان ضرر گؤرجکلرین اینسانی احتیاج‌لاری‌نین قارشیلانماسیندا ایستیفاده ائده‌جگینی ایفاده ائتدی
یئنی زلاند، ترور تشکیلاتی داعشه قارشی عملیات باشلادیلان موصولا 1 میلیون دو‌لارلیق اینسانی یاردیم ائده‌جک.
یئنی زلاند خاریجی ایشلر ناظیری موری مک کولی، موصولا گؤندریله‌جک یاردیمین عملیات‌دان ضرر گؤرجکلرین اینسانی احتیاج‌لاری‌نین قارشیلانماسیندا ایستیفاده ائده‌جگینی ایفاده ائتدی.
یاردیمین اولوسلار آراسی گؤچ تشکیلاتی (IOM) واسطه‌سیله احتیاج صاحب‌لرینه اولاشدیریلاجاغینی یازان مک کولی، اؤلکه‌سی‌نین موصولداکی اینسانی احتیاج‌لارین کووردیناسیون ائدیلمه‌سینده ده بیرلشمیش میللت‌لر تشکیلاتینا دستک اولاجاغینی بیلدیردی.
عراقدا داعشه قارشی کوالیسیون گوجلریله حرکت ائدن آنجاق عملیات‌لارا قاتیلمایان یئنی زلاندین عراقدا 140 نیظامی پرسونلی وار.
جبهه گئری‌سینده وظیفه ائدن یئنی زلاند عسگرلری، عراق اوردوسونا باغلی عسگرلرین ائگیتیمینه کؤمکچی اولور.
موصولون ترور تشکیلاتی داعشدن تمیزلنمه‌سی اوچون، عراق اوردو بیرلیک‌لری، پئشمرگه گوج‌لری و بؤیوک اکثریتینی بشیقه کمپیندکی تورک عسگرلری‌نین اؤیرتدیگی نینوا موجاهیدلری، 17 اوکتوبردا عملیات باشلاتمیشدی.
