تورکیهنین عراقین باشیکا کامپینداکی نیظامی وارلیغینا آلمانیادان ده دستک گلدی
آلمان مجلیسی ساوونما کومیسیونو عضولری، تورکیهنین ترورلا موباریزه ایچینده باشیکادا عسگر توتولماسینین قانونی اولدوغونو ایفاده ائتدی
تورکیهنین عراقین باشیکا کامپینداکی نیظامی وارلیغینا آلمانیادان ده دستک گلدی.
آلمان مجلیسی ساوونما کومیسیونو عضولری، تورکیهنین ترورلا موباریزه ایچینده باشیکادا عسگر توتولماسینین قانونی اولدوغونو ایفاده ائتدی.
آلمان مجلیسی ساوونما کومیسیونونون 7 عضوو، تورکیهده ایکی گوندور گؤروشمهلر وار.
کومیسیون عضولری، ایلک اولاراق باشکند آنکارادا تورکیه بؤیوک میللت مجلیسی ساوونما کومیسیونو باشقانی یوسوف بئیازیت ایله بیر آرایا گلدی.
داها سونرا آدانایا کئچن هیات، 250 جیواریندا آلمان عسگرین وظیفه ائتدیگی اینجیرلیک پایگاهینی زیارت ائتدی.
آردیندان ایزمیره گئدن آلمان میللت وکیللری، بورادا بیر مطبوعات کونفرانسی تشکیل ائدهرک اورکیهدکی تماسلارینی قیمتلندیردی.
ساوونما کومیسیونو باشقانی کارل لامیرس، دانیشیقلاردا، هر ایکی طرفده ده علاقهلرین نورماللاشماسی یؤنوندکی گوجلو بیر آرزو اولدوغونو گؤردوکلرینی ایفاده ائتدی.
فتح اللهچی ترور تشکیلاتی پارالل دولت یاپیلانماسینین 15 ژوئیه کودتا تلاشینی دا چوخ آغیر بیر شکیلده قینایان لامیرس، کودتا تلاشی زامانی سالدیرییا اوغرایان تورکیه بؤیوک میللت مجلیسینی ده زیارت ائتدیکلرینی، آلمانیا باش ناظیری آنگلا مرکلین ده کودتا تلاشی زامانی یاشانانلاردان بؤیوک کدر دویدوغونو و تورکیهنین تامامیله یانیندا اولدوغونو بیر چوخ دفعه وورغولادیغینی سؤیلهدی.
لامیرس، ایکی اؤلکه علاقهلرینین داها دا گوجلو اولماسی و ترور تشکیلاتی داعشه قارشی آلمانیا و تورکیهنین بیرلیکده حرکت ائتمهسی لازیم اولدوغونون دا وورغولادی.
بیر ژورنالیستین عراق نمایندهلر مجلیسینین، تورکیهنین باشیکاداکی نیظامی وارلیغینین قبول ائتمهین قرارینا باغلی سوالینی ایسه کومیسیونونون سوسیال دموکرات پارتیلی عضوو راینر آرنولد جوابلادی.
آرنولد، آلمانیانین دا عینیله تورکیه کیمی شمالی عراق بؤلگه رهبرلیگینین نیظامی عضولری اولان پیشمرگهنی ائغیتدیغینی خاطیرلاتدی.
تورکیهنین ترورلا موباریزهسینده تامامیله یانیندا اولدوغونو وورغولایان آرنولد، بو چرچیوهده تورکیهنین باشیکاداکی نیظامی وارلیغینین قانونی اولدوغونو ایفاده ائتدی.
تورکیه ایله روسیا آراسیندا سون دؤورده نیظامی ساحهده یاشانان یاخینلاشماغی طبیعی گؤردوکلرینی ایفاده ائدن کومیسیون عضولری، بونو تورکیهنین محور دییشیکلیگی اولاراق گؤرمدیکلرینین ده وورغولادی.