ویکیلیکسین قوروجوسو جولیان آسانژ، دونیانی سارسیداجاق یئنی سندلر یایینلایاجاغینی ائشیتدیردی
آسانژ، ویکیلیکسین قورولوشونون 10. ایلی سببیله آلمانیانین باشکندی برلینده تشکیل ائدیلن مطبوعات کونفرانسینا، اینگیلترهنین باشکندی لندندن ویدئو کونفرانس یولویلا باغلاندی
![ویکیلیکسین قوروجوسو جولیان آسانژ، دونیانی سارسیداجاق یئنی سندلر یایینلایاجاغینی ائشیتدیردی](http://cdn.trt.net.tr/images/xlarge/rectangle/4582/9897/e395/57f4c5271d418.jpg?time=1718806310)
ویکیلیکسین قوروجوسو جولیان آسانژ، اوچ بؤیوک اؤلکه و اوچ بؤیوک تشکیلات حاقیندا دونیانی سارسیداجاق یئنی سندلر یایینلایاجاغینی ائشیتدیردی.
آسانژ، ویکیلیکسین قورولوشونون 10. ایلی سببیله آلمانیانین باشکندی برلینده تشکیل ائدیلن مطبوعات کونفرانسینا، اینگیلترهنین باشکندی لندندن ویدئو کونفرانس یولویلا باغلاندی.
آسانژ، بو هفتهدن اعتباراً ایل سونونا قدر یایینلایاجاقلاردیر یئنی سندلرین، گوگل، آمریکا بیرلشمیش دولتلریندکی سئچیم کامپانیاسی، ساواشلار، سیلاح ساتیشلاری و نفت صنایعسی کیمی موضوعلاری ایچهرجگینی سؤیلهدی.
ویکیلیکس آمریکا باشدا اولماق عذره موختلیف اؤلکهلردن باسقیلارلا قارشی-قارشییا قالدیغینی آنجاق بونلارا بویون ایمهیهجکلرینی ایفاده ائدن جولیان آسانژ،
"گلهجک اون هفته عرضینده، هر هفته یئنی بیر قروپ سندی یاییملایاجاغیز" دئدی.
اوزرینده "گئرچک" یازان قارا بیر تی شؤرتله مطبوعات منسوبلارینین قارشیسینا چیخان آسانژ، آمریکا سئچیملرینه باغلی سندلری 8 نوامبر اوّلینه یئتیشدیرمهیه چالیشدیقلارینی قید ائتدی.
آسانژ، بو هفته خصوصیله آمریکادا دموکرات پارتی باشقانی نامیزدی هیلاری کلینتونون سئچیم کامپانیاسینا ضربه ووراجاق سندلر یاییملایاجاقلاری یؤنوندکی فرضیهلری ایسه تصدیقلمهدی.
ویکیلیکس قوروجوسو، ایل سونونا قدر آچیقلایاجاقلاری سندلرین، اوچ اؤلکهدکی اوچ بؤیوک قورولوشون علاقهلری حاقیندا اهمیتلی معلوماتلاری گؤزلر اؤنونه سرهجگینی ده ادعا ائتدی.
آسانژ، ویکیلیکسین اؤزونو یئنیلهییب گوجلندیرهرک فعالیتلرینه داوام ائدهجگینی، لازیم اولسا اؤزونون سایتداکی وظیفهسینی بوراخاجاغینی آنجاق سایتین یاییملارینی داوام ائتدیرهجگینی دیله گتیردی.
سوئد حاقیندا وئریلن حبس قراری سببیله 4 ایلدن چوخ مدتدیر اکوادورون لندن سفیرلیگینده قالان آسانژ، "اکوادورا قارشی ائدیله بیلهجک باسقیلار" حاقیندا دا، فرقلی اؤلکهلرده، فرقلی تشکیلاتلاردا ویکیلیکسه بیلگی آختاران اینسانلار اولدوغونو، بئله بیر تلاشی اوّلدن خبر آلاجاقلارینی قید ائتدی.
حبس قرارینا قارشی ائتدیگی اعتراض کئچن آی رد جولیان آسانژ سفیرلیک بیناسیندان چیخماسی حالیندا شرطلی آزاد شرطلرینی پوزدوغو سببیله اینگیلیس اورقانلاری طرفیندن حبس اولونماسی و سوئده اعاده ائدیلمهسی لازیمدیر.