سوریهلی قاچقینلارا ناغد پول کارتی
آوروپا اتفاقی تورکیهده کامپلاردا یاشامایان بیر میلیون سوریهلی قاچقینا اساس احتیاجلارینین اؤدنیلمهسی مقصدیله ناغد پول کارتی وئرهجک.
آوروپا اتفاقی تورکیهده کامپلاردا یاشامایان بیر میلیون سوریهلی قاچقینا اساس احتیاجلارینین اؤدنیلمهسی مقصدیله ناغد پول کارتی وئرهجک.
آوروپا اتفاقی رسمیلرینین معلوماتینا اساساً، اتفاق 2017-جی ایلین بیرینجی روبونه قدر دوشرگهلردن کناردا یاشایان عائلهده کی هر بیر فرد اوچون 100 لیره کؤچورولموش ناغد پول کارتی وئرهجک.
کارتا "خاریجیلر اوچون سوسیال اویغونلوق یاردیم پروقرامی" (Emergency Social Safety Net "ESSN") اولاراق آچیقلانان لاییحه باشا چاتانادک هر آی پول کؤچورولهجک.
پروقرامدا اوستونلوک وضعیتی ان پیس اولان قاچقینلارا وئریلهجک.
پروژه نین بودجهسی ایسه 348 میلیون یورودور.
تورکیهنین ان چوخ قاچقینا ائو صاحبلیگی ائدن اؤلکه اولدوغونو وورغولایان رسمیلر پروژه نین تورکیهنین اینکیشاف ائتمیش سوسیال یاردیم پروقراملاری ایله مالیه خیدمتلری کیمی اوستونلوکلرینه گؤره بورادا حیاتا کئچیریلهجگینی بیلدیریبلر.
همین پروقرام چرچیوهسینده قاچقینلار تورکیهده لازیم اولان یئرلره مراجعت ائدهجک، دیرلندیرمه پروسهسیندن سونرا کارتین کیملره وئریلهجگی دقیقلشدیریلهجک.
بو کارتلارلا سوریهلیلر ارزاق، داوا، نقلیات و سیغیناجاق یئر کیمی احتیاجلارینی اؤدهیه بیلهجکلر.
پروقرام چرچیوهسینده همچنین ایتیمه دستک مقصدی ایله شرطی ناغد پول کؤچورلمهسی ده پلانلاشدیریلیر.
اوشاقلارین قیز یاخود اوغلان اولماسی و گئدجگی اوخولون نؤوونه گؤره وئریلهجک علاوه یاردیملارلا قاچقین اوشاقلارین تحصیل نیسبتینین آرتیریلماسی هدف گؤتورولوب.