آمریکادان تورکیه دستک

آمریکانین خاریجی ایشلر ناظیرلیگینین سؤزچوسو مارک تونر گونلوک مطبوعات کونفرانسیندا تورکیه‌نین سوریا‌داکی "فرات قالخانی" عملیاتی چرچیوه‌سینده آتدیغی آددیم‌لار و سیاسی کئچید پروسئسی ایله علاقه‌لی سوال‌لارا جاواب وئردی.  تونر وورغولادی کی، آمریکا "فرات قالخانی" عملیاتی چرچیوه‌سینده تورکیه‌نین آتدیغی آددیم‌لاری دستکلییر. تورکیه‌نین اؤز سرحدلری داخیلینده تهلوکه‌سیز شکیلده یاشاماسی اوچون باشلاتدیغی عملیاتا وئریلن دستک داوام ائدیر.

مارک تونر خاریجی ایشلر ناظیری مؤلود چاووش اوغلونون "سوریا‌داکی کئچید پروسئسینده اسدین حاکمیتده قالدیغی بیر وضعیتی قبول ائتمه‌یه‌جک‌لری" باره‌ده کی آچیقلاماسی‌نین سوال ائدیلمه‌سی قارشی‌سیندا دئدی کی، آمریکا بشار اسدین  قانونی بیر لیدر اولا‌راق گؤرمور. سوریانین گله‌جه‌یی حاقیندا قراری سوریا‌لی‌لار وئره‌جک‌دیر. بونا گؤره ده ژنوده کی موذاکیره پروسئسی اهمیت‌لی‌دیر و طرف‌لر آراسین‌داکی گؤروش‌لرده سیاسی کئچید پروسئسینه دایر موضوع‌لارین موذاکیره ائدیلمه‌سینی گؤزلییریک.