غازی آنتپدکی خائین ترور سالدیریسینا دونیادان اعتراض یاغدی
روسیا دولت باشقانی ولادیمیر پوتین، پرزیدنت رجب طیب اردوغانا باش ساغلیغی چاتدیردی
غازی آنتپده 20 آوقوست شنبه گئجهسی بیر کوچه تویوندا چوخو اوشاق 51 نفرین اؤلدوگو خائین ترور سالدیریسینا دونیادان اعتراض یاغدی.
روسیادان میصیرا، فرانسادان آذربایجانا قدر بیر چوخ اؤلکه، پرزیدنت رجب طیب اردوغانا تعزیهلری چاتدیردی و سالدیرینی قینادی.
روسیا دولت باشقانی ولادیمیر پوتین، پرزیدنت رجب طیب اردوغانا باش ساغلیغی چاتدیردی.
کرملیندن یاییملانان مساژدا؛
"تورک پارتنرلریمیزله ترورلا موباریزهدکی امکداشلیغی هر ایستیقامتیله اینکیشاف ائتدیرمهیه حاضیریق" ایفادهسی یئر آلدی.
واشینگتون رهبرلیگی ده، غازی آنتپدکی سالدیرینی قینادیغینی آچیقلادی.
آغ ائو میللی گوونلیک شوراسینین سؤزچوسو ند پرایس؛ "بو باربار حرکتی ائدن آلچاقجا و زارافاتجیل بیر شکیلده بیر تویو هدف آلمیشدیر. اونلارلا اینسانین اؤلومونه، اونلارجاسینین دا یارالانماسینا سبب اولموشدور" آچیقلاماسینی ائتدی.
پرایس، باشقان کؤمکچیسی جو بایدین'ین تورکیهنی زیارتی اثناسیندا ترورلا موباریزهنی ده گؤروشهجگینی ایفاده ائتدی.
آمریکاخاریجی ایشلر ناظیرلیگی ایسه سالدیرینی "ایرنج" اولاراق خاراکتریزه ائتدی و "تروریزم فلاکتینه" قارشی موباریزهده آنکارایا یاردیم تکلیفینی ایرهلی سوروب.
ناظیرلیگین آچیقلاماسیندا؛
"بیز موتتفیق و طرفداشی تورکیهنین یانینداییق و اورتاق بیر تهدید اولان ترورون عهدهسیندن گلمه موضوعسوندا باغلیلیغیمیزی تازالیریق" دئییلدی.
فرانسا پرزیدنتی فرانسوا اولاند، اینگیلتره خاریجی ایشلر ناظیری بوریس جانسون و آلمانیا باش ناظیری آنگلا مرکل آچیقلامالاریندا سالدیرینی ان آغیر شکیلده قینایاراق؛
"ترورا قارشی موباریزهده تورکیهنین یانینداییق" مساژی وئردی.
ایسرائیل و میصیردان دا قیناما مساژلاری گلدی.
میصیر؛ آیریجا "میصیر خالقی بئله کریتیک بیر دؤورده تورک خالقینین یانیندا یئر ائتمکدهدیر" آچیقلاماسینی ائتدی.
سوئد خاریجی ایشلر ناظیری مارگوت والسترؤم، سالدیرینی شدتله قینادیغینی ایفاده ائدهرک؛
"تورکیه ایله ترورا قارشی هر جور اورتاق موباریزه اوچون امکداشلیغا واریق" دئدی.
قوزئی قیبریس تورک جمهوریتینین پرزیدنتی مصطفی آکینجی ترور سالدیریسینی قینادی و؛
"بو آلچاق سالدیری نتیجهسینده اؤلنلره رحمت، یارالیلارا عاجیل شفاعلار دیلییرم" دئدی.
آذربایجان پرزیدنتی ایلهام علیئو، تورکیه پرزیدنتی رجب طیب اردوغانا باش ساغلیغی مساژی گؤندردی.
اردوغانا "عزیز قارداشیم" دئیه خیطاب ائدن علیئو، ترور سالدیریسندا چوخ سایدا اینسانین اؤلمهسیندن سون درجه سارسیلدیغینی بیلدیریب.
ایتالیا پرزیدنتی سرجیو ماتاریلا دا اردوغانا باش ساغلیغی مساژی گؤندردی.
ماتاریلا مساژیندا؛
' سیویل جمعیتی و بیرلیکده یاشاما قایدالارینی هئچه سایان بو ظالم حرکت، دگرلریمیزی، پرینسیپلریمیزی قطعیتله قورومادا، ترورلا موباریزهده دیز چؤکتورهمیهجک' دئدی.
ایران، پاکیستان، اوتریش، گورجوستان، آلبانیا، رومانیا، سعودی عربیستان، اوردون، بحرین و قطر ده سالدیرینی قینایان اؤلکهلر آراسیندا.
پاپا فرانسیس دا بازار آیینینده اؤلنلر اوچون دعا ائتدی.
اوروپا پارلامنتی باشقانی مارتین شولز؛
"تروریستلر، سئوگینین و حیاتین قید اولوندوغو بیر یئرده اؤلوم و کدر ساچدی" دئدی.
بیرلشمیش میللتلر تشکیلاتینین باش کاتیبی بان کی-موون سالدیرینی قینایاراق، ترورلا موباریزهده و بو جور حرکتلری تدبیر موضوعسوندا بؤلگهسل و اولوسلار آراسی تلاشلارین چوخالدیلماسینین لازیم اولدوغونو آچیقلادی.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.