آمریکا، روسیانین ایران هاوا لیمانینی ایستیفاده ائتمسینه اعتراض گؤستردی
مارک تونر، بو وضعیتین (هاوا لیمانی‌نین ایستیفاده‌سی)، سوریه‌دکی شرط‌لری داها چتین و کومپلکس بیر حالا گتیردیگینی سؤیله‌دی
آمریکا، روسیانین سوریه‌دکی هدف‌لری وورماق اوچون ایران هاوا لیمانینی ایستیفاده ائتمسینه اعتراض گؤستردی.
خاریجی ایشلر ناظیرلیگی سؤزچوسو مارک تونر، گونده‌لیک مطبوعات کونفرانسیندا، موضوعیا باغلی سوال‌لاری جواب، هاوا لیمانی‌نین ایستیفاده ائدیلمه‌سینی"طالع‌سیز بیر وضعیت" اولا‌راق قیمتلندیردی.
تونر،
"طالع‌سیز بیر وضعیت لاکین سورپریز اولمادی یا دا گؤزلمدیگیمیز بیر وضعیت دئییلدی." دئدی.
مارک تونر، بو وضعیتین (هاوا لیمانی‌نین ایستیفاده‌سی)، سوریه‌دکی شرط‌لری داها چتین و کومپلکس بیر حالا گتیردیگینی سؤیله‌دی.
روسیانین پایگاهی بیر دفعه‌لیگینه می ایستیفاده ائتدی، یوخسا ایجازه‌سی داواملی می اولاجاغی‌نین آراشدیریلدیغینی ایفاده ائدن تونر، ایرانین هاوا ساحه‌سی‌نین ساواش اوچاق‌لارینجا ایستیفاده قاداغان ائدن بیر بیرلشمیش میللت‌لر تشکیلاتی‌نین قراری اولدوغونو دا خاطیرلاتدی.
تونر،
"اگر بیرلشمیش میللت‌لر گوونلیک کونسینده‌ده داها اوّل ایجازه آلینمادییسا، 2231 نؤمره‌لی، ایرانا دستک، ساتیش و ساواش اوچاغی ترانسفرینی قاداغان ائدن قرارین پوزولماسی اولدوغو معناسینی وئرر" دئدی.
تونر، موضوع حاقیندا حوقوقچولارین چالیشدیغینی، آیرینتی‌لاری آراشدیردیق‌لارینی سؤیله‌دی.
آمریکا خاریجی ایشلر ناظیری جان کری، روس همکاری سئرگئی لاوروو ایله موضوعنون اله آلیندیغی گؤروشمه ائتدیگینی ایفاده ائدن آمریکا خاریجی ایشلر سؤزچوسو، کری موضوعیا باغلی ناراحات‌لیق‌لارینی لاوروو چاتدیردیغینی بیلدیردی.
روسیانین ایران هاوالیمانینی ایستیفاده ائتمه‌سینی، آمریکا و روسیانین سوریه‌ده نیظامی ساحه‌ده امکداش‌لیق ائتمه‌سینه مانع تشکیل ائتمیه‌جگینی وورغولایان تونر،
"لاکین هله او نقطه‌یه گلمدیک." دئیه دانیشدی.
دیگر طرف‌دن روس مطبوعاتی، روسیانین خزر دنیزینده اولان دونانماسیندا سوریه‌دکی هدف‌لره کرویز موشکی آتماق اوچون ایران و عراق‌دان هاوا ساحه‌سی کئچید ایجازه‌سی مراجعتینده اولدوغونو ایره‌لی سوردو.
متخصص‌لر، ایران‌داکی پایگاهی ایستیفاده‌سی‌نین روس ساواش اوچاق‌لاری‌نین ایشینی آسانلاشدیردیغینی و روسیانین یاخین شرقده بیر باش رول اویونچوسو اولدوغونو تصدیق ائتدیگینی یازیر.
روس توپولوف ساواش اوچاقلاری، چوخ بؤیوک اولدوغون‌دان، سوریه‌دکی حمیمیم هاوا لیمانیندا توتولامیر، سوریه اوچون روسیانین جنوبون‌داکی پایگاهلاریندان هاوالانماق مجبوریتینده قالیردی
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
