آوروپا اتفاقی تورکیه ایله هم رای اولدوغونو آچیقلادی

آوروپا اتفاقی ترور تشکیلاتی پ.ک.ک-نین دیاربکر و ماردین ‌ده کی خاین هوجوم‌لاری ایله علاقه‌لی اولا‌راق تورکیه ایله هم رای اولدوغونو آچیقلادی.

آوروپا اتفاقی کومیسیونونون آچیقلاماسیندا تورکیه‌نین بیر داها دیاربکر و ماردین‌ده ترور هوجوم‌لاری‌نین هدفی اولدوغو بیل‌دیریله‌رک، حیاتینی ایتیرن‌لرین عائله‌لرینه باش ساغلیغی، یارا‌لی‌لارا ایسه تجیلی شفا دیلدی.

آچیقلامادا بیلدیریلدی کی، آوروپا اتفاقی تورکیه حکومتی و خالقی ایله اولان دایمی هم رای‌لیگینی بیر داها دیله گتیریر. تورک چتین‌لیک‌لرله قارشی-قارشییا‌دیر. بون‌لار آراسیندا آوروپا اتفاقی‌نین ترور تشکیلاتی سیاهی‌سیندا یئر آلان پ.ک.ک-نین ترور حادثه لری‌ده وار.

قئید ائدک کی، ماردین ویلایتی‌نین قیزیل تپه قصبه‌سینده پ.ک.ک ترورچولاری‌نین یول کنارینا قویدوق‌لاری بومبانین پولیس ماشین‌نین کئچیشی زامانی پارتلاماسی نتیجه‌ده بیر پولیس شهید اولموش، ایکی سیویل وطنداش حیاتینی ایتیرمیش، 5-ی پولیس اولماقلا 30 نفر ده یارالانمیشدی.

دیاربکر ویلایتی‌نین سور قصبه‌سینده ده پولیس سرویس ماشی‌نینا پ.ک.ک ترورچولاری طرفیندن ائدیلن هوجومدا عینی عائله‌دن 5 وطنداش حیاتینی ایتیرمیش، 5-ی پولیس 12 نفر یارالانمیشدی.