تورکیه امریکایا 85 قوتو دوسیا (پرونده) گؤندردی
فتح اللهچی ترور تشکیلاتی پارالل دؤولت یاپیلانماسینین (فئتو/پ.د.ی) دسته باشیسی فتح الله گولهنین اعادهسی اوچون تورکیه آمریکایا 85 قوتو پرونده گؤندردی.
فتح اللهچی ترور تشکیلاتی پارالل دؤولت یاپیلانماسینین (فئتو/پ.د.ی) دسته باشیسی فتح الله گولهنین اعادهسی اوچون تورکیه آمریکایا 85 قوتو پرونده گؤندردی.
واشینگتن پست قزئتینین یازیغینا گؤره آنکارانین گولنی گئری طلبینه جاواب وئرمک اوچون عدلیه ناظیرلیگینده همین دلیللر آراشدیریلیر.
قزئتین معلوماتینا گؤره بو سندلرده فئتونون تورکیهده دؤولت قوروملارینا نئجه سیزدیغینی گؤستریلیر و چئویریلیش جهدینین آرخاسیندا گولهنین دورماسینا دایر فاکتلار یئر آلیر.
بوندان باشقا واشینگتن پست فئتونون آمریکا کنگره سینده کی لوبی فعالیتینه ده یئر آییردی. قزئت 2007-جی ایلدن باشلایاراق کنگرهدن تورکیهیه گلن نماینده هئیتیندن 289-نا یعنی یاریسینا ایسپونسورورلوق ائتدیگینی یازدی.
خبرده، فتح الله گولهنین امرینده کی اونلارلا قورولوشون، سیاسی کامپانیالارا اون مینلرله دلار هدیه ائتدیگینهده دقت چکیلیر.
همین شخصلر آراسیندا یئر آلان سیاستچیلردن جمهوریتچیلر پارتی سیندن جون بونر، ریک پرری و حاضردا دموکراتلار پارتی سیندن پرزیدنتلیه نامیزد هیلاری کلینتونون دا اولدوغو ادعا ائدیلدی.
قزئت یازیب کی، فتح الله گولنه مخصوص قروپلارین اؤزلرینی " خیریه تشکیلاتی” کیمی تانیدیر و بونونلادا وئرگی وئرمیر. قزئت اونا دا دقتی چکیر کی، گولنله علاقهدار زامان-زامان چوخ سایدا قانونسوز ایشلر اورتایا چیخیب، بونا دایر دفعهلرله سوروشدورما آپاریلیب، لاکین ایندیدک هر هانسی بیر نتیجه حاصیل اولماییب.
واشینگتن پستدا قئید ائدیلیب کی، بو تشکیلاتلارا اؤدنیلن باغیشلار وئریلدیگی شخصلرین چوخونون کیملیگی هله کی، معلوم دئییل. اوستهلیک گولنه تابع اولان تشکیلاتلارین شفاف ایدارچیلیگی یوخدور.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی