اینگیلتره‌ده نامیزدلردن کیمین باش ناظر اولاجاغی دقیق‌لشدی
باش ناظرلییه نامیزدلیک اوغرونادا آندره‌آ لدسام و ترزا می موباریزه‌سی نتیجه‌لندی.
آندره‌آ لدسام پایتاخت لندن‌ده چیخیشیندا لیدرلیک موباریزه‌سین‌دن گئری چکیلدیگینی سؤیله‌یه‌رک رقیبی‌نین بریتانیانین آوروپا اتفاقین‌دان چیخیشینی تامین ائده‌جک باش ناظر اولاجاغینی بیلدیردی.
اؤلکه مطبوعاتی‌نین یازدیغینا گؤره آندره‌آ لدسام نامیزدلیک‌دن چکیلمسیله ترزا می سنتیابردان اول باش ناظرلیک کورسوسونده اوتورا‌جاق.
بو آرادا ترزا می تشکیل ائتدیگی مطبوعات کونفرانسیندا بیرلشمیش کراللیغین گوجلو بیر لیدره احتیاجی اولدوغونو دئدی و علاوه ائتدی کی، اؤلکه نی اقتصادی و سیاسی بحران‌دان چیخارا‌جاق وآوروپا بیرلیگیندن آیریلارکن ان یاخشی مووقعینی تامین ائده‌جک. رفرندوم نتیجه‌سین‌دن سونرا اؤلکه نی و پارتیانی بیرلشدیرمه‌نین اهمیتینی وورغولایان می بیلدیریب کی، رفرندوم آوروپا بیرلیگیندن آیری‌لیق قراری ایله یاناشی هم ده جدی دییشیک‌لیک قرارینی دا ضروری ائدیر. "بریکست، بریکست دئمک‌دیر. وآوروپا بیرلیگینده قالما ایستیقامتینده یا دا ایکینجی بیر رفرندوم اوچون هر هانسی بیر جهد اولمایا‌جاق. اتفاقا آرخا قاپی‌دان تکرار عضو جهدیمیز اولمایا‌جاق. اؤلکه آوروپا بیرلیگیندن آیریلما قراری وئردی . بو قرارین ایجراسینی تامین ائده‌جگیم "-دئیه خانیم می بیلدیردی.
قئید ائدک کی، بؤیوک بریتانیانین تاریخینده ایلک قادین باش ناظر وظیفه‌سینده چالیشمیش مارگارت تاچر اولوب. ترزا می باش ناظر اولاجاغی حالدا بو ایستاتوس قالمایا‌جاق. بیر چوخ خاراکتئریله سابیق قادین ناظره بنزه‌دیلن میی اینگیلیس مطبوعاتی "یئنی دمیر لئدی” آدلاندیریر.
سون 6 ایلدیر داخلی ایشلر ناظری وظیفه‌سینی ایجرا ائدن، خصوصیله قاچقین مسئله‌لرینه دایر کسکین قرارلار وئرن ترزا می ایللیک قاچقین سایی‌نین 100 مینی کئچمه‌سی‌نین قارشی‌سینی آلا بیلمه یه جگینی سببیله حکومتین تنقیدینه توش گلمیشدی.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
