اردوغانین آلمان کومئدیچی ایله باغلی شیکایتینی، هامبورگ ایالت محکمه‌سی ده حاق‌لی گؤرولدو

پرزیدنت طیب اردوغانین آلمان کومئدیچی ژان بؤهمرمن‌ین تحقیر ایچه‌رن شعری ایله باغلی شیکایتینی، هامبورگ ایالت محکمه‌سی ده حاق‌لی گؤرولدو.

محکمه، قانون اولا‌راق "میزاح" شکلینده قیمتلندیردیگی شعرین بؤیوک بؤلومو‌نون، قانون‌لارا ضد اولدوغونا قرار وئره‌رک، یاییملانماسینی قاداغان ائتدی.

قراردا، ژان بؤهمرمن‌ین سؤز موضوعسو شعری اوخوماسینا باغلی احتیاط تدبیر قویولدوغو، بو سببله، اردوغانا تحقیر ایچه‌رن و غورور اینجیدیجی اولان شعرین معین حیسه‌لرینی تکرارلایامایاجاغی ایفاده ائدیلدی.

بؤهمرمن‌ین شعرین سؤز موضوعسو حیسه‌لرینی تکرارلاماسی وضعیتینده 250 مین یورویا قدر پول جزاسی و یا 6 آیا قدر حبس جزاسی ایله جزالاندیریلابیله‌جگینی وورغولانان قراردا، صنعت و ایفاده آزادلیغی ایله مراجعت صاحبی‌نین فردی حاق و حقوقونون "دارتیلماسی، محاکیمه ائدیلمه‌سی" لازیم اولدوغونا ایشاره ائدیله‌رک، میزاحداکی تنقید مرزی‌نین ، غورورون قیریلماسی وضعیتینده بیتدیگی قید ائدیلدی.

محکمه قراریندا آیریجا بؤهمرمن‌ین اوخودوغو شعرین معین حیسه‌لرینده تنقید مرزی‌نین آشیلدیغی ایفاده ائدیلدی.

ماحکمه، قرارین، یالنیز ژان بؤهمرمن‌ین شخصی اوچون دئییل اوچونجو شخص‌لر اوچون ده اعتبارلی اولدوغو، اردوغانا تحقیر ایچه‌رن شعرین بؤیوک حیسه‌سی‌نین آلمان‌دا اوخونماسی‌نین قاداغان ائتدیگینی ایفاده ائتدی.

پرزیدنت اردوغانین وکیلی هوبرتوس وون ایسپرنگ محکمه‌نین وئردیگی قرارلا، شعردکی ایفاده‌لرین تحقیر ایچه‌ردیگی و غورور اینجیدیجی اولدوغونون تثبیت ائدیلمیش اولدوغونو آچیقلادی.

بؤهمرمن، 31 مارس‌دا آلمان‌ین ZDF تلویزیون کانالیندا یایینلانان " ZDF Neo Royal " پروقرامیندا پرزیدنتی اردوغانا تحقیر ایچه‌رن شعری اوخوموش، کومئدیچی آلمان جزا قانونونون 103. مادده‌سی اویغون اولا‌راق محاکیمه اولونماسی اوچون تورکیه، آلمانا نوتا وئرمیشدی.

آلمان حکومتی ده بؤهمران‌ین محاکیمه اولونماسی اوچون ماینز باش ساوجیلیغینا ایجازه وئرمیشدی.