دونالد ترامپون عرقچی ایفادهلری آمریکادان کانادایا کؤچ میلینی آرتیردی
گوگلین معلوماتلارین رداکتورو سیمون روگر، توییتردن ائتدیگی آچیقلامادا، آرتیمین یوزده 350یه یوکسلدیگینی آنجاق معین بیر مدت سونرا، ماراق دالغالانما مین 150 ذیروهسینه چیخدیغینی ایفاده ائتدی
443818
آمریکا 2016 باشقانلیق سئچیمی یاریشیندا اؤن پلانا چیخان آدلاردان دونالد ترامپون عرقچی و گؤچمن علیهداری ایفادهلری، اؤلکهده کانادایا کؤچ میلینی آرتیردی.
آمریکادا گوگل ان چوخ آختاریلان موضوعلاردان بیری، "کانادایا نئجه گؤچهبیلیریم؟" اولارکن، کانادا حکومتینین موضوعیلا علاقهدار اینترنت سایتی چوخ یوکلنمه اوزوندن سهو وئردی.
آمریکالیلار کانادایا کؤچ ائتمه علاقهسی، ترامپین جمهوریتچیلرین 1 مارس چرشنبه آخشامی (سوپر چرشنبه آخشامی) گونو 12 ایالتده ائتدیگی اؤن سئچیمده بؤیوک بیر ظفرله چیخماسیندان سونرا گلدی.
گوگلین معلوماتلارین رداکتورو سیمون روگر، توییتردن ائتدیگی آچیقلامادا، آرتیمین یوزده 350یه یوکسلدیگینی آنجاق معین بیر مدت سونرا، ماراق دالغالانما مین 150 ذیروهسینه چیخدیغینی ایفاده ائتدی.
هر سئچیم دؤورونده گوندمه گلن "کانادایا کؤچ" موضوعسو گوگلدا ان چوخ آختاریلانلار آراسینا گیررکن، ان یوکسک آختاریش پرزیدنت باراک اوبامادان اوّلکی باشقان جورج دبلیو بوش دؤورونده اولموشدو.
