اوروپا بیرلیگی لیدرلری بروکسلده بیر آرایا گلدی
لیدرلرین موذاکیرهلری داوام ائتدیردیگی آخشام یئمییندن سونرا ژورنالیستلرین سواللارینی جوابلایان اوروپا شوراسی باشقانی دونالد توسک، اینگیلتره ایله بیر راضیلیغا گلمهیه موضوعسوندا داها اوپتیمیست اولدوغونو آچیقلادی
اوروپا بیرلیگی لیدرلری، ایلین سون ذیروهسی اوچون بروکسلده بیر آرایا گلدی.
28 عضو اؤلکهنین دولت و حکومت باشقانلارینین گوندمینده کؤچ موضوعسو و اینگیلترهنین بیرلیک بونیهسینده اصلاحات طلبلری واردی.
لیدرلرین موذاکیرهلری داوام ائتدیردیگی آخشام یئمییندن سونرا ژورنالیستلرین سواللارینی جوابلایان اوروپا شوراسی باشقانی دونالد توسک، اینگیلتره ایله بیر راضیلیغا گلمهیه موضوعسوندا داها اوپتیمیست اولدوغونو آچیقلادی.
فوریه آیینداکی ذیروهده داها چوخ ایرهلیلمه ائدهبیلجکلرینی ایفاده ائدن توسک، دانیشیقلارین مزمونلو و مثبت کئچدیگینی سؤیلهدی.
"هله قارشیدا چتین بیر ایش دؤورو وار" دئین توسک، نه اینگیلترهنین نه باشقا بیر بیرلیک عضوونون دیشلاناجاغینی ایفاده ائتدی.
توسک، داها اوّل ائتدیگی آچیقلامادا، لندنین طلبلرینی قبول ائدیله بیلمز اولاراق بیلدیرمیشدی.
اینگیلتره باش ناظیری دوید کامرون دا تشکیل ائتدیگی مطبوعات کونفرانسیندا؛
- "حقیقتن یاخشی بیر ایرهلیلمه تامین ائتدیک، آنجاق قارشیمیزدا چتینلیکلر وار" دئدی.
کامرون، فوریه آیینداکی ذیروهده راضیلاشما تامین ائدیلمهسی اوچون چیخیش یولو توتولدوغونو سؤیلهدی.
دوید کامرون، اوکتوبر آییندا بروکسله، اینگیلترهنین اوروپا بیرلیگی عضولوگونون داوامی اوچون بیر دیزی اصلاحات ائدیلمهسینی نظرده توتان 4 ماددهلیک طلبلرینی تقدیم ائتمیشدی.
اینگیلیس باش ناظیر کامرون، اوروپا اؤلکهلری آراسینداکی دؤوران سربستلیغینین قیسیتلانماسینی و عضو دولتلرین مجلیسلرینه داها چوخ مسئولیت وئریلمهسینی طلب ائدهرک، عکس حالدا اؤلکهسینین عضولوگونو اجتماعی ریینه تقدیم ائدهجگینی سؤیلهییر.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.