فرانسادا عیرقچی میللی جبههیه سئچیم مغلوبیتی ...
اؤلکهده دونن کئچیریلن ایکینجی تورون غالیبی، ایفادلریله عیرقچیلارا گؤز قیرپان کئچمیش پرزیدنتی نیکولا سارکوزی لیدرلیگیندکی جمهوریتچیلر پارتیسی اولدو
یئرلی سئچیملرین ایلک توروندا بؤیوک باشاری قازانان آشیری ساغچی میللی جبهه ایکینجی توردا اومید ائتدیگینی تاپابیلمهدی.
اؤلکهده دونن کئچیریلن ایکینجی تورون غالیبی، ایفادلریله عیرقچیلارا گؤز قیرپان کئچمیش پرزیدنتی نیکولا سارکوزی لیدرلیگیندکی جمهوریتچیلر پارتیسی اولدو.
ایلک تورودا 6 بؤلگهده بیرینجی پارتیی اولاراق رقیبلرینه فرق آتان میللی جبهه ایکینجی توردا هئچ بیر بؤلگهنی قازانا بیلمهدی.
میللی جبهه لیدری مارین لو پن و قارداشی اوغلو ماریو مارشال لو پن نامیزد اولدوقلاری بؤلگهلرده جمهوریتچیلرین نامیزدلرینه مغلوب اولدولار.
بو ایکی بؤلگه ایله بیرلیکده بعضی بؤلگهلرده سوسیالیست پارتی، میللی جبههنی قارشی سس ایستیفاده ائتمه چاغیریسی ائدهرک نامیزدلرینی چکمیشدی.
اؤزلرینه سس وئرن 6 میلیون سئچیجیلر تشککور ائدن مارین لو پن، تأثیرلی بیر مخالیفت ایزلمهیه داوام ائدهجکلرینی سؤیلهدی.
ایکینجی تورون غالیبی جمهوریتچیلر پارتیسی لیدری سارکوزی پارتیلرینی بو موقعیته گتیرن پرینسیپلری مدافعه ائتمهیه داوام ائدهجکلرینی سؤیلهدی.
جمهوریتلر سسلرین یوزده 40ینی آلارکن سوسیالیست پارتی یوزده 30-ونو ییغدی.
میللی جبههنی ایلک تورداکی یوزده 40لیک اویو یوزده 28-ه گئریلهدی.
سوسیالیست پارتیدن باش باخان مانوئل والس سئچیم نتیجهلرینی قیمتلندیررکن بیر باشاریدان و ظفردن سؤز ائدیله بیلمهیهجگینی، مسئولیتلرینین فرقینده اولدوغونو سؤیلهدی.
باش باخان، آشیری ساغچی پارتی تهلوکهسینین آرادان ائدیلمدیگینه دقت چکهرک هر جور آشیریلیغین عهدهسیندن گله بیلمک اوچون قارداشلیق و بیرلیک چاغیریشینی ائتدی.