گیروو بحرانی سونا چاتدی
سالدیرقانلارین هتله دیپلوماتیک نؤمره‌لی اتوموبیلله گئتدیگی و گوونلیک‌دن آسانجا گئچدیک‌لری ایفاده ائدیلدی
مالی‌ده‌کی گیروو بحرانی سونا چاتدی.
باشکند باماکو دا بیر هتله تشکیل ائدیلن سالدیریدا ایکیسی تروریست ان آز 21 نفر اؤلدو، 7 نفر ده یارالاندی.
گیروو‌لار آراسیندا اولان تورک هاوا یوللارینین 7 پرسنلی‌نین هامی‌سی قورتاریلدی.
مالی‌نین باشکندی باماکودا دونن گون اورتا ساعات‌لاریندا لوکس بیر هتل‌دن سیلاح سس‌لری گلدی.
اطرافا آتیش ائدن بیر قروپ سیلاحلی سالدیرقان، اوتوزو هتل چالیشانی 170 نفری گیروو آلدی.
سالدیرقانلارین هتله دیپلوماتیک نؤمره‌لی اتوموبیلله گئتدیگی و گوونلیک‌دن آسانجا گئچدیک‌لری ایفاده ائدیلدی.
باسقین اوزرینه پلیس و اؤزل گوج‌لر حرکته گئچدی.
9 ساعات داوام ائدن عملیاتین آردین‌دان گیروو‌لارا چاتیلدی.
مالی پرزیدنتی سالدیریدا ایکیسی تروریست 21 نفرین اؤلدوگونو 7 نفرین ده یارالاندیغینی آچیقلادی.
گیروو‌لار آراسیندا اولان 7 تورک هاوا یول‌لاری پرسنلی‌لی‌نین هامی‌سی قورتاریلدی.
سالدیرینی القایده باغلانتی‌لی المرابطون اوستلندی.
خاریجی ایشلر باخانلیغین‌دان مالی‌ده‌کی ترور حادثه‌سینه باغ‌لی آچیقلاما گلدی.
باخانلیق، مالی‌ده‌کی ترور ائیلمینی شیدتله و نیفرتله قینادی. تورکیه‌نین مالی و خالقینا تروریزمله مباریزه‌سینده هر جور دستگی وئرمه‌یی داوام ائتدیرجیی ده وورغولاندی.
