پورتغالدا 10 گونلوک حکومت دوشدو
اعتبارسیزلیق اؤنرگئسینین قبول ائدیلمسیله، حکومت ده دوشدو
پورتغالدا 10 گونلوک حکومت دوشدو.
4 اوکتوبردا ائدیلن عمومی سئچیملرین آردیندان ساغ پارتیلردن عبارت "پورتغال جبههسی"نین قوردوغو آزینلیق حکومتی، حاضیرلادیغی کمر سیخما تدبیرلرینین پارلامنتده رد ائدیلمهسی اوزرینه دوشدو.
"پورتغال جبههسی"نین لیدری و باش ناظیر پدرو پاسوش کوئیلو-نون تقدیم ائتدیگی حکومت پروقرامی پارلامنتودا تصدیق آلمازکن، آرالاریندا رادیکال گؤروشلولرینین ده اولدوغو سول پارتیلرین تقدیم ائتدیگی اعتبارسیزلیق تکلیفی 107 "خیر" راینه قارشیلیق 123 "بلی" رای ایله قبول ائدیلدی.
اعتبارسیزلیق اؤنرگئسینین قبول ائدیلمسیله، حکومت ده دوشدو.
حکومت، کمر سیخما تدبیرلرینین اوروپا بیرلیگینین بودجه ایستانداردلارینی تامین ائتمک اوچون لازیملی اولدوغونو ساوونمان، موخالیفت بو تدبیرلرین پورتغالین یونانیستان کیمی بحرانین ایچینه چکهجگی گؤروشوندئیدی.
اؤلکه تاریخینین ان قیسا عؤمورلو حکومتینین دوشمهسینین آردیندان باشلایان سورهجده جمهور باشقانی آنیبال کواکا سیلوانین وئرهجگی قرار تعیین ائدیجی اولاجاق.
سیلوانین حکومتی قورما وظیفهسینی سئچیملردن 2. بؤیوک پارتی اولاراق چیخان سوسیالیست پارتی (پس) لیدری آنتونیو کوستایا وئرمهسی ایلک احتیمال اولاراق گؤرولور.