روسیا سوریهدکی ساواشا گئدهرک داها چوخ آنگاژه اولور
قایناقلار، "روسیا دانیشمانلیغی کناریندا نیظامی عملیاتلارین ایچینده، آنجاق هله بؤیوک میقیاسلی دئییل" شکلینده دانیشدی
روسیا، سوریهدکی ساواشا گئدهرک داها چوخ آنگاژه اولور.
رویترز آژانسینا معلومات وئرن آدلارینین آچیقلانماسینی ایستمهین لبنانلی قایناقلار، روسلارین قاتیلدیقلاری نیظامی عملیاتلارین ایندییه قدر کیچیک میقیاسلی قالدیغینی ایفاده ائتدی.
قایناقلار، "روسیا دانیشمانلیغی کناریندا نیظامی عملیاتلارین ایچینده، آنجاق هله بؤیوک میقیاسلی دئییل" شکلینده دانیشدی.
روسیانین قاتیلدیغی عملیاتلار موضوعسوندا ایسه معلومات وئریلمهدی.
آمریکالی قایناقلار دا، روسیانین سوریهیه سون اولاراق 2 ساواش گمیسی ایله نیظامی نقلیات تییارهلری و عسکر گؤندردیگینی بیلدیردی.
آمریکالی منبعلره گؤره، روسیا اسد گوجلرینین یانیندا ساواشا گیرمکدن چوخ، لازقیهنین شمالیندا بیر هاوا آلانب تیکیر.
هاوا آلانین اطرافینا یوزلرله نیظامی ساخلایاجاق پرفابریک ائولر ده آپاریلدی.
روسیا خاریجی ایشلر ناظیرلیگی ده اسد رژیمینه نیظامی مصلحتچی و سلاح گؤندرمهلرینین یئنی بیر شئی اولمادیغینی، غربین بو خبرلری یایاراق بیر هیستری موحیطی یاراتماغا چالیشدیغینی ایرهلی سوردو.
روس ایسپیکر، نیظامی مصلحتچیلری، اسد رژیمینه وئردیکلری روس سلاحلارین ایستیفاده ائدیلمهسینی گؤسترمک اوچون بو اؤلکهده اولدوقلارینی ایفاده ائتدی.
موسکوا، سوریهده چاتیشمالارا قاتیلدیقلاری یولونداکی خبرلری ایسه تصدیقلمهدی.
ایلگیلیلی خبرلر
ایسپانیانین باش ناظیری ایستعفا وئرمهیهجگینی آچیقلاییب
ایسپانیانین باش ناظیری پدرو سانچز اؤز وظیفهسینده قالاجاغینی آچیقلاییب.