اوروپا قاچقین موضوعسوندا داها مسئول و حساس اولمالیدیر
بان کی-مون، اوروپایا گئدن قاچقینلارین چوخونون ایلتیجا ائتمک اوچون قانونی حقوقلارا صاحب اولدوغونو و اوروپا دولتلرینین بو موضوعدا داها مسئول و حساس اولمالارینی ایستهدی
"اوروپا دولتلری قاچقین موضوعسوندا داها مسئول و حساس اولمالیدیر"
بیرلشمیش میللتلر تشکیلاتینین باش کاتیبی بان کی-مون، قاچقین بحرانینا قیدسیز قالمانین آوروپا دیرلرینه ضرر وئرجگینی ایفاده ائتدی.
بان کی-مون، اوروپایا گئدن قاچقینلارین چوخونون ایلتیجا ائتمک اوچون قانونی حقوقلارا صاحب اولدوغونو و اوروپا دولتلرینین بو موضوعدا داها مسئول و حساس اولمالارینی ایستهدی.
بان، اوتریش، چک جمهوریتی، آلمانیا، یونانیستان، ماجاریستان ایله لهستان و اسلوواکی لیدرلرینی بو آیین سونوندا قاچقین پروبلمی ایله علاقهدار توپلانتییا دعوت ائدهجگینی سؤیلهدی.
بیرلشمیش میللتلر تشکیلاتینین قاچقینلارین دایرهسی اؤنوموزدکی 10 گونده ماجاریستانا 42 مین قاچقینین داخیل ائتمهسینی گؤزلدیکلرینی آچیقلادی.
بو آرادا سیغینماجیلارا قاپیلارینی آچان جنوبی آمریکا اؤلکهلرینه شیلی ده قاتیلیر.
شیلی پرزیدنتی میشل باشلی، "اهمیتلی سایدا سیغینماجینین" قبول ائدهجکلرینی بیلدیردی.
دیگر طرفدن، آلمانیا باش ناظیری آنگلا مرکل و سوئد باش ناظیری ایستفان لؤفون دونن بیر آرایا گلدی.
اورتاق مطبوعات کونفرانسیندا دانیشان مرکل، "اوروپا بیرلیگی ایچینده عدالتلی بیر پایلامایا احتیاجیمیز وار اما بوندان چوخ اوزاقیق" دئدی.
تورکیهنین سیغینماجیلار اوچون چوخ شئی ائتدیگینه و سیغیناجاق دوشرگهلر قوردوغونا دقت چکن مرکل "تورکیه ایله بو موضوعدا فیکیر آل وئرینه احتیاج وار. بونو دا اوروپا کومیسیونو ائدهجک ' دئیه دانیشدی.
ایلگیلیلی خبرلر
روسیه خارکوف ویلایتینده راکت هوجومو حیاتا کئچیریب
روسیهنین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب